काठमाडौं – एभरेष्ट बैंकले २ अर्ब नाफा कमाएको छ । बैंकले आज प्रकाशन गरेको वित्तीय विवरण अनुसार बैंकले चालु आवको नौ महिनामा २ अर्ब १ करोड ९१ लाख रुपैंया खुद मुनाफा कमाएको हो ।
ऋणी र अन्तरबैंक सापटी समेत गरी कर्जाको आकार पनि करिब ३ अर्बले बढेको छ ।
बैंकले अघिल्लो त्रैमासमा कायम रहेको ७ अर्ब ५८ करोड रिजर्भको आकारलाई ८ अर्ब २३ करोड रुपैंया पुगेको छ । बैंकले कमाएको नाफाका आधारमा बैंकको प्रतिशेयर आम्दानी ३६.८१ रुपैंया हुन आउँछ । अघिल्लो त्रैमासको नाफाका आधारमा यो दर ३५.६३ रुपैंया थियो ।
बैंकको पुँजी पर्याप्तता अनुपात पुस मसान्तको तुलनामा बढेको छ । १२.५७ प्रतिशतबाट १३.३८ प्रतिशत पुगेको यो अनुपातले बैंकको व्यवसाय विस्तारको सम्भावना बढेको देखाउँछ ।
उल्लेखित निक्षेप, कर्जा र पुँजीका आधारमा बैंकको सीसीडी अनुपात ७६.६९ प्रतिशत छ । अघिल्लो त्रैमासमा ८.२२ प्रतिशत रहेको आधार ब्याजदर ८.०१ मा झारेको बैंकले कस्ट अफ फण्डलाई ६.०७ मा झारेको छ । बैंकको निष्क्रिय कर्जा अनुपात ०.१८ प्रतिशत, स्प्रेडदर ४.६९ प्रतिशत छ ।
प्रतिक्रिया