(Friday, 14 December, 2018)
By: आजको अर्थ
बैशाख १४, २०७५

काठमाडौँ- बिहिबार अनेरास्ववियुका पूर्व केन्द्रीय सदस्य प्रविन श्रेष्ठसँग बिबाह गरेकी एमाले नेत्री  नविना लामाको प्रेम कहानी निक्कै रोचक छ ।

२०५६ सालमा एसएलसी पास गरेर काभ्रेको मादनकुँडारीबाट राजधानी आएकी उनी काठमाडौंमा अभिनय तिर लागिन् । फिल्म ‘म्हेन्दोला माया’मा अभिनय गर्दा नवीना भविष्यप्रति अन्योलमा थिइन् ।

पहिलो चलचित्रबाट राम्रो प्रतिक्रिया पाएकी नवीनामा अभिनयप्रति रूचि जागेको थियो । तामाङ भाषा तथा संस्कृतिमा आधारित ‘म्हेन्दोला माया’ पछि नेपाली चलचित्रमा अनुबन्धित भइन् । तर छायांकनका लागि जोमसोम जानुपर्ने भएपछि फिल्मी करिअरबाट बाटो अन्तै मोडियो ।

अभिनेत्री हुँदासम्म परिवार खासगरी बुबा उनीसँग त्यति खुसी थिएनन् । २०५८ सालमा बानेश्वर क्याम्पसमा स्ववियु सभापतिमा हारेपछि उनको राजनीतिक यात्राले गति लिएको थियो । त्यो हारले उनलाई उर्जा दियो । त्यसले दिएको अठोटले विद्यार्थी राजनीतिक रथले गति लियो ।

उनले आफु प्रेम सम्बन्धमा रहेको पनि लुकाइनन् । एक वर्ष अघि त डेटिङ गएकै तस्बिरहरू बाहिर आए । ‘हामीले सँगै राजनीति सुरू गरेका हौं ।’ उनी भन्छिन् ।

मादनकुँडारीस्थित महेन्द्र माविमा अध्ययनरत हुँदै प्रारम्भिक कमिटीमार्फत अखिलमा संगठित भएकी उनी अनेरास्ववियुको २२औं महाधिवेशनबाट अध्यक्ष भइन् । यसले उनलाई युवा नेत्रीका रूपमा स्थापित गरिदिएको छ भने अभिनेत्री बन्ने सपनाको बाटो छेकिदियो ।

नेतृत्व हस्तान्तरण गर्दै जानुपर्छ भन्ने मान्यता राख्ने उनी अध्यक्षका रूपमा एक कार्यकालमात्रै रहने सोचमा थिइन्, भाग्यवस् प्रतिनिधि सभाको सदस्यमा समानुपातिकमा परिन् ।

एमाले सांसद लामाले हनिमुन कहाँ मनाउछिन भन्ने यतिबेलो सर्वत्र चासोको विषय बनेको छ ।

तपाईको प्रतिक्रिया

यसमा तपाइको मत