भारतीय निर्वाचनले छोडेको सन्देश

ajaako_artha

काठमाडौँ – भारतमा भएको लोकसभा निर्वाचनमा भारतीय जनता पार्टीले स्पष्ट बहुमत लिएको छ । मोदी प्रचण्ड बहुमतका साथ दोस्रो पटक प्रधानमन्त्री भएका छन् । 

सत्तामै रहेर पनि यति लोकप्रिय मत प्राप्त गर्र्न पक्कै पनि सामान्य विषय होइन । मोदीकोे विजयले भित्री बाहिरी राजनीतिमा केही सन्देश छोडेको छ । निर्वाचनमा उनको टीम परिचालन,स्पष्ट ऐजेण्डा र विपक्षीहरुको कमजोर रणनीति आदि कारणहरु मोदीको जितका कारण बने  पहिलो कार्यकालमा उनले चालेका मुख्य कदमहरु जस्तो नोटबन्दीलाई आम जनताले मन पराएको देखियो ।  

मोदीको पुनरागमनले भारतको परराष्ट नीतिमा कस्तो प्रभाव पर्ला भन्ने अडकलबाजी पनि सुरु भएको छ । बिगतमा नेपालप्रति अनुदार देखिएको मोदी सरकारसंग नेपालको सम्बन्ध सामान्य भैसकेको छ । 

सरकार परिवर्तनले भारतीय संस्थापनको विदेश नीतिमा खासै फेरबदल  आएको पाईदैन । उनीहरुको राज्य संयन्त्र संस्थागत भैसकेको छ । त्यसैले भारतको छिमेक नीतिमा मोदीको आगमनले अन्तर ल्याइहाल्छ भन्न सकिंदैन । यसले भारतमा मोदीको साथै भार जनता पार्टीको लोकप्रियतालाई भने थप बलियो बनाएको छ । 

यो निर्वाचनको परिणामले क्षेत्रीय पार्टीहरुलाई निकै कमजोर सावित गरिदिएको छ । कतिपय दलहरु त अस्तित्वै संकटमा छन् । कुनै बेला भारतीय संसदमा तेस्रो हैसियत राख्ने कम्यनिष्ट पार्टी पांच सिटमा सिमित भएको छ । यसले त्यहांका वामपन्थी पार्टीहरु समय अनुसार चल्न नसकेको र जनताको बीचमा अलोकप्रिय रहेको १९९६ को निर्वाचनमा ५३ स्थानमा जित हासिल गरेको वाम गठबन्धनले सरकार गठनमा  निर्णायक प्रभाव पारेको थियो । त्यतिबेला वाम गठबन्धनका नेता ज्याती वसुलाई प्रधानमन्त्री बन्न  प्रस्ताव आएको थियो । 

तर सो प्रस्ताव उनको पाटीले अस्विकार गरेको थियो । तर बसु भने भारतको  प्रधानमन्त्री बन्ने चाहन्थे । पार्टीले उक्त प्रस्ताव स्विकारेको भए उनी एसियाको दोस्रो कम्य’निष्ट प्रधानमन्त्री बन्ने थिए ।  

भारतीय कम्यनिष्ट पाटीले केन्द्रीय सत्तामा नजाने नेमकिपािको जस्तै नीति लिएको थियो । जुन उसको लागि अभिसाप भैदियो । त्यसपछि नै उसको ओरालो यात्रा सुरु भयो । एउटा राजनीतिक दल जो सरकारमा नजाने नीति लिन्छ उसलाई जनताले किन मत दिइरहने भन्ने प्रश्न उठ्नु स्वभाविक नै हो । 

नेपालमा पनि नेमकिपाको त्यही हालत भैरहेको छ । भारतीय निर्वाचनबाट नेपालका वामपन्थीहरुले पाठ सिक्न जरुरी छ । देश, काल र जनतालाई चिनेर नीति बनाउनु पर्छ भन्ने नै मख्य कुरा हो ।       
 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१०२.२०१०२.८०
European Euro१२७.३५१२८.१०
UK Pound Sterling१४४.३३१४५.१७
Swiss Franc१०९.७४११०.३८
Australian Dollar८१.०३८१.५०
Canadian Dollar८२.२६८२.७५
Singapore Dollar७७.४५७७.९१