हजारौँ एन्ड्रोइड एपहरूले अनुमती बिना प्रयोगकर्ताको डेटा चोरेको भेटियो

असार २६, २०७६ | आजको अर्थ
ajaako_artha

हालै गरिएको एक अनुसन्धानमा नाम चलेका र नाम नचलेका हजारौं एपहरूले अनुमती बिना नै प्रयोगकर्ताको डेटा चोरी गरेको भेटिएको छ । यसले गर्दा एन्ड्रोइड एप डेभलोपर माथि मात्र नभएर गुगलको एन्ड्रोइड एप माथि पनि सुरक्षा सम्बन्धि प्रश्न चिन्ह उठेको छ ।

एप इन्स्टल गरेर पहिलो पटक प्रयोग गर्ने  बेला एपले क्यामरा, फोटो, माइक्रोफोन, जीपीएस आदी जस्ता कुराहरूको  पहुँचका लागि प्रयोगकर्तासँग अनुमती माग्नु पर्ने हुन्छ । प्रयोगकर्ताले “Don’t Allow” चयन गरिसकेपछि उक्त एपले प्रयोगकर्ताको जानकारीहरू हेर्न वा प्रयोग गर्न नपाउनु पर्ने हो - तर यस अनुसन्धान अनुसार अनुमति नदिईएको एपले पनि प्रयोगकर्ताको डेटा जम्मा गर्दै उक्त एपको सर्भरलाई पठाएको भेटिएको छ । प्रयोगकर्ताको डेटा पहुँचको अनुमती नपाएको एपलाई सोही स्मार्टफोनमा अनुमती पाएको एपले आवश्यक पर्ने तर संवेदनशील डेटाहरू प्रदान गर्ने गरेको भेटिएको छ ।

यसरी प्रयोगकर्ताको डेटा अनुमती बिना चोरी गर्ने एपहरूले एपको सर्भरमा प्रयोगकर्ताको लोकेसन ( जीपीएस डेटा ), राउटरको म्याक (MAC) एड्रेस, प्रयोगमा आएको वाइफाई सम्बन्धि जानकारी आदि जस्ता डेटाहरू पठाएको पाइएको छ । उक्त अनुसन्धान गर्ने टोलीले सटरफ्लाई नामक एपले प्रयोगकर्ताको अनुमती बिना नै प्रयोगकर्ताको जीपीएस लोकेसन डेटा आफ्नो सर्भरमा पठाएको भेटियो छ । तर उक्त कम्पनीले यस कुरालाई अस्विकार गरेको छ । नागरिक मा खबर छ । 

अनुसन्धान गर्ने टोलीले गुगललाई यो डेटा चोरी सम्बन्धि जानकारी गत सेप्टेम्बर मै दिईसकेका छन् । यस प्रकारले हुने डेटा चोरीलाई बन्द गर्नका लागि गुगलले एन्ड्रोइड को १० औं संस्करण अर्थात् एन्ड्रोइड Q मा आवश्यक उपायहरू लगाएको छ । तर पुरानो एन्ड्रोइड संस्करणले भने यस सम्बन्धि कुनै पनि प्रकारको सुरक्षा पाउने छैनन् । अनुसन्धानकर्ता अनुसार गुगलले यस समस्या हल गर्नका लागि सबै पुराना र नयाँ एन्ड्रोइड स्मार्टफोनलाई अपडेट प्रदान गर्नु आवश्यक छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११३.२०११३.८०
European Euro१२६.०४१२६.७१
UK Pound Sterling१४६.६२१४७.३९
Swiss Franc११४.४८११५.०८
Australian Dollar७७.६४७८.०५
Canadian Dollar८६.४०८६.८६
Singapore Dollar८३.०८८३.५२