दश लाख फिरौतीमा श्रीमतीको हत्या

असार २६, २०७६ | आजको अर्थ
ajaako_artha

पोखरा – पोखरा १० रामबजारमा बस्दै आएका एक युवाले श्रीमतीको हत्या गरेर जंगलमा फालेका छन् । मकवानपुर घर भई पोखरा १० रामबजारमा मोवाईल पसल गरी बस्ने ३५ वर्षीय रमेश परियारले श्रीमती २८ वर्षीया लक्ष्मी परियारको केही व्यक्तीलाइ दश लाख रुपैयाँ दिई हत्या गराएको प्रहरी स्रोतले जनाएको छ ।

प्रहरीका अनुसार अहिले श्रीमानसहित अर्का एकजनालार्इ पक्राउ गरिएको छ भने अनुसन्धानका क्रममा श्रीमतीको हत्या गर्न रमेशले दश लाख दिएको खुल्न आएको छ ।

रमेशले बारम्बार प्रहरीसंग आएर कुरा गर्दा उनीमाथि नै शंका गरि अनुसन्धान थाल्दा हत्या गरेको स्वकार गरिसकेको प्रहरीले जानकारी दिएको छ ।

असार १ गते श्रीमतीलाई औषधि गर्न जाने भन्दै पोखरा २२ पुम्दिभुम्दिस्थित ठुल्ढुङगाको जंगलमा हत्या गरी फालेको अवस्थामा प्रहरीले कंकाल मात्र फेला पारेको हो । सिद्धार्थ राजमार्गबाट करिब ५ सय मिटर तल पोखरा २२ पुम्दिभुम्दिको ठुल्ढुङगाको जंगलमा कंकाल भेटिएको थियो ।

कास्कीका प्रहरी प्रमुख एसपी दानबहादुर कार्कीसहितको टोलीले घटनाको अनुसन्धान थालेको छ । लक्ष्मीको कंकाल बुधबार बिहान फेला परेको हो । लक्ष्मीका श्रीमानले श्रीमती हराएको भन्दै वडा तथा प्रहरीमा खोजी गर्न निवेदनसमेत दिएका थिए ।
पोखरा महानगरपालिका वडा १५ रामबजारका वडा अध्यक्ष प्रकाश पौडेलले हत्या भएको दिन देखि करिब एक हप्ताबढि निरन्तर वडा कार्यालय समेत धाएको बताउनुभयो । श्रीमती हराएकै दिन बिहान ११ बजेर ३५ मिनेटमा वडा अघि बाटै गएको सिसिटिभिमा कैद छ र श्रीमानको कुरा निकै बाझिएको कारणले समेत शंकाको घेरामा परेका हुन् ।

शवलाई मुचुल्का गरी पोष्टमार्टमका लागि पोखरा स्वास्थ्य विज्ञान प्रतिष्ठानमा राखिएको प्रहरीले जानकारी दिएको छ, नेपाल समाचारपत्रमा खबर छ। हत्याको अनुसन्धान र हत्यामा संलग्न अन्यको खोजी कार्य भइरहेको प्रहरीको भनाई छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११३.२०११३.८०
European Euro१२६.०४१२६.७१
UK Pound Sterling१४६.६२१४७.३९
Swiss Franc११४.४८११५.०८
Australian Dollar७७.६४७८.०५
Canadian Dollar८६.४०८६.८६
Singapore Dollar८३.०८८३.५२