आजदेखि स्थानीय तहको परीक्षा लिँदै लोकसेवा

काठमाडौं । लोकसेवा आयोगले स्थानीय तहका लागि आह्वान गरेको विभिन्न सेवा समूह तथा उपसमूहको परीक्षा आजबाट सुरु भएको छ । 

आयोगले गत जेठ १५ मा स्थानीय तह मात्रका लागि विशेष कार्यतालिका बनाएर ९ हजार १६१ कर्मचारीका लागि विज्ञापन आह्वान गरेको थियो । आयोगले गरेको विज्ञापन समावेशी सिद्धान्तविपरीत रहेको भन्दै संसद्को राज्यव्यवस्था तथा सुशासन समितिले रद्द गरी करारमा कर्मचारी भर्ना गर्न निर्देशन दिएको थियो । तर, यससम्बन्धी मुद्दा अदालतमा परेसँगै अदालतले विज्ञापन जारी राख्ने पक्षमा फैसला गरेको थियो । के हुने भन्ने अन्योलबीच आयोगको परीक्षाले निरन्तरता पाएको छ । परीक्षामा साढे चार लाखको संख्यामा परीक्षार्थी सहभागी हुने आयोगले जनाएको छ । पदअनुसार परीक्षाको मिति भने फरकफरक रहेको छ । राजधानी दैनिकमा खबर छ ।