मेस्सी, रोनाल्डो र मानेमध्ये को बन्ला च्याम्पियन्स लिगको उत्कृष्ट फरवार्ड ?

साउन २४, २०७६ | आजको अर्थ
ajaako_artha

युरोपियन फुटबलको सर्वोच्च निकाय युएईएफएले च्याम्पियन्स लिगको ‘पोजिसनल अवार्ड’ को मनोनयन सार्वजनिक गरेको छ । युइएफले बिहीबार सन् २०१८–१९ को सिजनको च्याम्पियन्स लिगअन्तर्गतको पोजिसनल अवार्डको मनोनयन सार्वजनिक गरको हो ।

जसमा, उत्कृष्ट फरवार्डतर्फ स्टार खेलाडीहरूले स्थान बनाएका छन् । जसमा, इटालियन क्लब युभेन्टसका स्टार खेलाडी क्रिस्टियानो रोनाल्डो, बार्सिलोनाका कप्तान लियोनल मेस्सी र लिभरपुलका स्टार साडियो माने रहेका छन् ।

मेस्सीले अघिल्लो सिजनको च्याम्पियन्स लिगमा १२ गोल गरेका थिए । सन् २०१८–१९ को च्याम्पियन्स लिगका सर्वाधिक गोलकर्तासमेत रहेका मेस्सीले आफ्नो टोली बार्सिलोनालाई सेमिफाइनल पुर्याएका थिए । तर, बार्सिलोनालाई साडियो मानेको टोली लिभरपुलले पाखा लगाउँदै फाइनलमा स्थान बनाएको थियो ।

यता, मेस्सी र मानेको प्रतिद्वन्द्वी रोनाल्डोले भने अघिल्लो सिजनको च्याम्पियन्स लिगमा मात्र ६ गोल गरेका थिए । उनको टोली युभेन्टस भने क्वार्टरफाइनलबाटै बाहिरिएको थियो । यस्तै मानेले भने आफ्नो टोली लिभरपुललाई उपाधि नै जिताएका थिए । यसरी, हर्दा मानेलाई यस अवार्डका दाबेदार मानिएको छ । तर, सन् २०१८–१९ को च्याम्पियन्स लिगका सर्वाधिक गोलकर्ता मेस्सी पनि यस अवार्डको दौडमा अगाडि नै रहेका छन् ।

यस्तै यस मनोनयनमा तीन जना गोलकिपर, तीन जना डिफेन्डर, तीन जना मिडफिल्डर र तीन जना फरवार्ड गरी १२ जनालाई समावेश गरिएको छ । जसमा, युरोपियन च्याम्पियन्स लिग विजेता टोली लिभरपुलका ५ खेलाडीले स्थान बनाएका छन् ।

जसमा, गोलकिपरमा एलिसन बेकर, डिफेन्डरमा भर्जिल भान डाइ र ट्रेन्ड आर्नोल्ड, मिडफिल्डरमा जोर्डन हेन्डरसन र फरवार्डमा साडियो माने परेका छन् । यस्तै उक्त मनोनयमा बार्सिलोनाका ३ खेलाडी परेका छन् । बार्सिलोनाका कप्तान लियोनल मेस्सी, मार्क आन्द्रे टर स्टेगन र हालै मा डच क्लब आयाक्सबाट बार्सिलोना आएका फ्रेन्की डी योङ परेका छन् ।

यता, इटालियन क्लब युभेन्टसका दुई खेलाडी मनोनयनमा छानिएका छन् । युभेन्टसका स्टार खेलाडी क्रिस्टियानो रोनाल्डो र यसै सिजन मात्र डच क्लब आयाक्सबाट युभेन्टस आएका माथिस डी लिग्ट रहेका छन् ।

यसैगरी, टोटनह्यामका २ खेलाडीले मनोनयमा स्थान बनाएका छन् । टोटेनहमका क्रिस्टियन एरिक्सन र ह्युगो लोरिस परेका छन् । युएइएफएले विजेताको घोषणा आगामी अगष्ट २९ मा मोनाकोमा सार्वजनिक गर्नेछ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११४.५२११५.१२
European Euro१२६.९४१२७.६०
UK Pound Sterling१४८.१६१४८.९४
Swiss Franc११५.६५११६.२६
Australian Dollar७७.९७७८.३८
Canadian Dollar८६.०९८६.५४
Singapore Dollar८४.१३८४.५७