यस्तो छ नायिका रजनी केसीको ‘फिट एन्ड फाइन’ सूत्र

साउन २८, २०७६ | आजको अर्थ
ajaako_artha

मैले आफूलाई फिट एन्ड फाइन राख्नका लागि परम्परागत विधि अपनाउने गरेको छु । म त अहिलेसम्म जिमखाना पनि गएको छैन ।

आजको नयाँ पत्रिकामा नायिका रजनी केसी अगाडि भन्छिन् :

मलाई ध्यान, योग मन पर्छ । त्यसैले फुर्सद भएको वेलामा घरमै आधा घन्टा जति ध्यान र एक घन्टाजति योग गर्ने गरेकी छु । विभिन्न पुस्तक पढेर, इन्टरनेट, टिभीको माध्यमबाट ध्यान र योग सिकेकी हुँ । शारीरिक तथा मानसिक रूपमा फिट रहनका लागि योग र ध्यान नै उत्तम उपाय लाग्छ, मलाई।

खानपिनमा भने म त्यत्ति धेरै सजग छैन । आफूलाई खान मन लागेका खानेकुरा बार्ने गरेकी छैन । प्रशस्त मात्रामा पानी पिउँछु । मदिरा सेवन, धूम्रपान गर्दिनँ । मटन, चिकन, फिस सबै खान्छु। मलाई चकलेट, आइसक्रिम र चटपटे पनि मन पर्छ । म शिवजीकी भक्त हुँ । त्यसकारण साउन महिनाभरचाहिँ भेजिटेरियन भएकी छु । साउने सोमबार व्रत बस्छु।

सधैँ सकारात्मक सोच राख्छु। हरेक कुरामा खुसी हुने प्रयास गर्छु । चर्चित व्यक्तिका बायोग्राफी, नोबल पढ्ने गर्छु। नेपाली, हिन्दी, अंग्रेजी, कोरियन, इरानी सबै भाषाका फिल्म हेर्ने गरेकी छु। पर्याप्त मात्रामा आराम गर्ने गर्छु । कसैलाई सहयोग गर्न पाउँदा खुसी लाग्छ। सायद, यिनै कुराले होला, म सधैँ ‘फिट एन्ड फाइन’ छु।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११४.५२११५.१२
European Euro१२६.९४१२७.६०
UK Pound Sterling१४८.१६१४८.९४
Swiss Franc११५.६५११६.२६
Australian Dollar७७.९७७८.३८
Canadian Dollar८६.०९८६.५४
Singapore Dollar८४.१३८४.५७