शैक्षिक प्रमाणपत्र धितो राखेर ऋण दिने र विदेशबाट फर्किएका युवालाई ऋण दिने कार्यक्रम असफल भएका छन् ।
गत आर्थिकवर्षदेखि शुरु भएको कार्यक्रमको सन्तोषजनक प्रतिफल नआएपछि ति दुई कार्यक्रम असफल भएका हुन् ।
शैक्षिक प्रमाणपत्र धितो राखेर ऋण दिने कार्यक्रममा सहभागीता नै न्युन छ भने विदेशबाट फर्कनेहरुका लागि सरकारले ऋण दिन सकेको छैन ।
पहिलो वर्ष प्रमाणपत्र धितो राखेर ऋण दिने कार्यक्रममा जम्मा २४ जनाले मात्र ऋण पाएका छन्।
उनीहरुले रु १ करोड २६ लाख ५० हजार रुपैयाँ ऋण पाएका छन् ।
सरकारले पाँच प्रतिशत ब्याज अनुदान दिनेगरी गतवर्षदेखि यो कार्यक्रम शुरु भएको हो ।
विदेशबाट फर्केका युवाहरुलाई ऋण दिने कार्यक्रममा २२ हजार जनाले आवेदन गरेपनि जम्मा ४९ जनाले ऋण पाएका छन् ।
उनीहरुले १२ करोड ६५ लाख रुपैयाँ ऋण चलाएका छन्। यसमा पनि सरकारले पाँच प्रतिशत ब्याज अनुदान दिन्छ।
प्रतिक्रिया