सुन्दासको निधनप्रति काङ्ग्रेसद्वारा दुःख व्यक्त

साउन ३२, २०७६ | आजको अर्थ
ajaako_artha

नेपाली काङ्ग्रेसले नेपाली राष्ट्रिय काङ्ग्रेसको स्थापनामा महत्वपूर्ण भूमिका निर्वाह गर्नुभएकी लख्खीदेवी सुन्दासको निधनप्रति दुःख व्यक्त गरेको छ । 

काङ्ग्रेस केन्द्रीय कार्यालयका मुख्यसचिव कृष्णप्रसाद पौडेलले आज एक शोक विज्ञप्ति जारी गरी विसं २००३ मा कलकत्तामा भएको प्रथम अधिवेशनमा महत्वपूर्ण भूमिका खेल्नुभएकी ८५ वर्षीय सुन्दासको निधनप्रति दुःख व्यक्त गर्नुभएको हो । 

“विसं २००३ मा कलकत्तामा भएको अधिवेशनमा स्व सुन्दास दाजर्लिङबाट नेपाली राष्ट्रिय काङ्ग्रेसको प्रतिनिधिका रुपमा जानु भई महिलाको हक, हित र अधिकारका लागि स्पष्ट वक्ताका रुपमा चिनिनुभएको थियो”, विज्ञप्तिमा भनिएको छ । उहाँको यही साउन ३१ गते निधन भएको थियो । 

स्व सुन्दास नेपाली साहित्यकी एक परिचित महिला हुनुका साथै सफल शिक्षिका समेत हुनुहुन्थ्यो । काङ्ग्रेसले सुन्दासको निधनप्रति गहिरो दुःख व्यक्त गर्दै दिवंगत आत्माको चिरशान्तिको कामना र शोकाकूल परिवारजन तथा आफन्तजनमा समवेदना प्रकट गरेको छ । 
 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११४.३८११४.९८
European Euro१२३.५२१२४.१७
UK Pound Sterling१४७.७४१४८.५१
Swiss Franc११६.४३११७.०४
Australian Dollar७५.४४७५.८४
Canadian Dollar८६.२३८६.६८
Singapore Dollar८१.६५८२.०८