भाेलीदेखि काठमाडाैंमा विद्युतीय बस चल्ने, अन्य बसभन्दा सस्ताे

भदौ २२, २०७६ | आजको अर्थ
ajaako_artha

काठमाडौंमा भोलीदेखि विद्युतीय बस सञ्चालन हुने भएको छ ।  निजी क्षेत्रको सुन्दर यातायातले विद्युतीय बसबाट सार्वजनिक सेवा दिने भएको हो । 

तत्कालै ७ वटा बसमार्फत सेवा दिन लागेको सुन्दर यातायातले पहिलोचरणमा दुईवटा र भोलीदेखि सञ्चालन गर्ने जनाएको छ । 

दुईवटा बस तयारी अवस्थामा छन भने केही दिनभित्रै ५ वटा बस काठमाडौं आइपुग्दैछन् । 

सुन्दरले अहिले रिंगरोडको रुट पाएको कम्पनीका अध्यक्ष भेषबहादुर थापाले जानकारी दिए ।

सरकारी स्वामित्वको ट्रली बस बन्द भएको एक दशकपछि निजी क्षेत्रले पहिलोपटक सार्वजनिक यातायातको रुपमा विद्युतीय बस चलाउन लागेको हो । 

थप ११ वटा बस ल्याउन चिनियाँ कम्पनीसँग सम्झौता गरिसकेको अध्यक्ष थापाले बताए । 

यो वर्षभित्रै २५ वटा बस काठमाडौंमा चलाउनका लागि ल्याउन लागेको कम्पनीले प्रति बस एक करोड ६२ लाख मूल्य खर्चिएको थापाको भनाइ छ । 

चिनियाँ प्राविधिकलाई नेपालमै ल्याएर नेपाली सडकको अवस्था अध्ययन गराउँदै बसको डिजाइन गराएको कम्पनीले भित्र्याएका बस नेपालको सडक मैत्री रहेको दाबी गरेको छ । 

खाल्डाखुल्डीमा अगाडि नठोक्कियोस् भनेर नेपाल आउने बसलाई छुट्टै तवरले डिजाइन गरिएको र बसका पछाडिको भागलाई पनि खाल्डाखुल्डी युक्त सडकमा जान सकिने गरी बनाइएको थापाले बताए ।

विद्युतीय बस ४० सिट क्षमतासम्मका छन् । सुन्दर यातायातका ती बसमा यात्रा गर्नेले स्मार्ट यात्रा कार्डमार्फत भाडा तिर्न सक्ने र मोबाइलबाट ‘क्युआर कोड’ स्क्यान गरेर पनि रकम भुक्तानी गर्न सकिने कम्पनीले जनाएको छ । 

डिजेल गाडीले जस्तो चर्को ध्वनी ननिकाल्ने र सञ्चालन खर्च पनि निकै सस्तो हुने कम्पनीको दावी छ । 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११४.१९११४.७९
European Euro१२३.७११२४.३६
UK Pound Sterling१४८.९०१४९.६८
Swiss Franc११६.४३११७.०४
Australian Dollar७६.३६७६.७६
Canadian Dollar८६.१६८६.६१
Singapore Dollar८२.०६८२.४९