१८ वर्षदेखि सडकमा माछा झुण्डाउँदै, मासिक ३० हजार कमाइ

ajaako_artha

पृथ्वी राजमार्ग हुँदै चितवन र धादिङको सिमाना मौवाखोला नजिकै पुग्दा एकजना अर्धवैंशै सँधै माछा झुण्ड्याएर सडक किनारामा बसेको देखिन्छन् । 

कतिले गाडी रोकेर माछा किन्छन, कतिले फोटोमात्र खिचेर हिँड्छन् । यसरी माछा झुण्डाएर बस्ने व्यक्ति हुन धादिङ बेनीघाट रोराङ गाउँपालिका–१० मौवाखोलाका नवराज खरेल ।     

खरेलले मौवाखोलामा डोरीमा उनेका माछा झुण्ड्याएर बेच्न थालेको १८ वर्ष भयो । राजधानी काठमाडौँ भित्रिने मुख्य सडक यस पृथ्वीराजमार्गमा दैनिक करीब १० हजारको हाराहारीमा सवारीसाधन ओहोरदोहोर गर्छन् । उनका ग्राहक भनेका राजमार्गमा गुड्ने तिनै सवारी साधनका यात्रु हुन् । 
     
माछा बेचेर खरेलले कमाइ दैनिक रु एक हजारदेखि रु एक हजार ५०० सम्म कमाउँछन् । यही कमाइले उनले बुबा–आमा, श्रीमती र दुई छोरी गरी छ जना पाल्दै आएका छन् ।      

“अठार वर्षदेखि यही राजमार्गमा माछा बेचेरै घरको गर्जो टार्दै आएको छु, दैनिक रु एक हजारदेखि एक हजार ५०० सम्म कमाइ हुन्छ”, उनले भने । राजमार्गमा माछा बेचेरै घरखर्च टरेपछि उनले विदेश वा अरु विकल्पनि सोँचेका छैनन् ।

“अरुमा खासै सीप पनि छैन, गतिलो कमाइ हुने जागिर पाउँदैन,” उनले भने “विदेशपनि ऋण गरेर जानुपर्ने भएपछि यहि ठीक छ ।”     
माछा व्यापार गर्दा लगानी गर्न नपर्ने भएकोले उनी यसमै सन्तुष्ट छन् ।
 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१०२.२०१०२.८०
European Euro१२७.३५१२८.१०
UK Pound Sterling१४४.३३१४५.१७
Swiss Franc१०९.७४११०.३८
Australian Dollar८१.०३८१.५०
Canadian Dollar८२.२६८२.७५
Singapore Dollar७७.४५७७.९१