२५ लाख सम्मको सामान किन्दा तीनपुस्ते चाहिने, विवरण नलिनेलाई एक करोड जरिवाना

ajaako_artha

सरकारले एकपटकमा रु २५ लाख भन्दा धेरै रकमको सामान किन्ने ग्राहकलाई अब तीन पुस्ते विवरण बुझाउनु पर्ने नियम ल्याउन लागेको छ । 

कम्पनी रजिष्ट्रारको कार्यालयले एक पटकमा २५ लाख वा वार्षिक १ करोडको कारोबार गर्ने व्यक्ति वा संस्थाले अनिवार्य रुपमा तीनपुस्ते बिबरण भर्नुपर्ने नियम ल्याउन लागेको हो । 

कम्पनी रजिष्ट्रारको कार्यालयमा दर्ता भएका कम्पनीहरुले आफ्ना ग्राहकसँग  बैंकले मागेजस्तै केवाइसी 'नो योर कस्टमर' विवरण भर्नुपर्ने  छ । 

सम्पत्ति शुद्धिकरण निवारण सम्बन्धमा कम्पनीहरुलाई जारी गरिने निर्देशिकामा यस्तो व्यवस्था गर्न लागिएको हो। 

असोज १ देखि लागू हुन लागेको यो निर्देशिकामा सुझाव पनि मागिएको छ तर दिने म्याद आजसम्ममात्रै छ । 

यो व्यवस्था लागू भएपछि कम्पनी ऐन अनुसार दर्ता भएका कम्पनीले निर्देशिकाअनुसार नगरेमा सचेत गराउनेदेखि १ करोड रुपैयाँसम्म जरिवाना हुने व्यवस्था छ।

व्यापारी देखि गाडी किन्नेहरुसमेत यसबाट प्रभावित हुने छन् । नजिकिएको दशैंमा गाडी किन्ने योजना बनाएकाहरुले अब पहिला आफ्नो तीनपुस्ते विवरण कम्पनीमा बुझाएर मात्र कारोबार गर्नुपर्ने अवस्था आउने देखिएको छ ।  

कम्पनीहरुले आफूसँग कारोबार गर्न आएको ब्यक्ति वास्तवमै असली हो÷हैन भनेर अनौपचारिक स्रोतबाट पनि बुझ्नु पर्ने छ। तीन पुस्ते, पेस गरेको विवरण, ब्यक्तिको  प्रभाव वा स्वार्थ पनि हेर्नुपर्ने हुन्छ । 

कारोबार गर्नेको पुख्यौंली तथा वर्तमान आर्थिक अवस्था स्वभाविक देखिन्छ÷देखिँदैन भनेर पनि हेर्नु पर्नेछ। 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१०२.२०१०२.८०
European Euro१२७.३५१२८.१०
UK Pound Sterling१४४.३३१४५.१७
Swiss Franc१०९.७४११०.३८
Australian Dollar८१.०३८१.५०
Canadian Dollar८२.२६८२.७५
Singapore Dollar७७.४५७७.९१