सरकारको सुपथ मूल्य पसल भन्दा बजारमा सस्तो सामान

असोज १, २०७६ | आजको अर्थ
ajaako_artha

सरकारले चाडपर्वको अवसरमामा सञ्चालन गरेको सुपथ मूल्य पसल भन्दा बाहिर बजारमा सस्तो मूख्यमा सामान पाइने गरेको छ । 

चाडवाडमा उपभोक्तालाई राहत दिनको लागि भनेर सञ्चालन गरेको पसलभन्दा डिपार्टमेण्टल स्टोर्सहरुमा सस्तो मूख्यमा उपभोग्य वस्तु पाइने गरेको तथ्य फेला परेको हो । 

नेपाल खाद्य संस्थानले उपत्यकाका ५ स्थानसहित देशका भिन्न २३ स्थानमा, साल्ट ट्रेडिङ्ग कर्पोरेशनले उपत्यकाका ११ र उपत्यका बाहिरका २२ स्थानमा र दुग्ध संस्थानले उपत्यकाका ४ र उपत्यका बाहिरका ११ स्थानमा गरी कुल ७३ स्थानमा सुपथ मूल्यका पसलहरु सञ्चालन गरिरहेका छन् ।

 बजारमा १३८ रुपैयाँ प्रतिलिटरका दरले पाइने सोयाबिन तेल सुपथमूल्य पसलमा १३८ रुपैयाँ, बजारमा १४१ मा पाइने सनफ्लावर तेल सुपथ पसलमा १४८ पर्ने गरेको छ । त्यस्तै बेसार ५०० ग्रामको बजारमा १४५ पर्छ भने सुपथ पसलमा १९५ र खुर्सानी २०० ग्रामको बजारमा ६५ पर्छ भने सुपथ पसलमा ७५ पर्छ । 

बजारमा १०७ पर्ने ५०० ग्राम धनियाको सुपथ पसलमा १३५, २०३ मा पाइने जिराको २८०, रु ४६ मा पाइने १०० ग्राम दालचिनीको रु ६५, १६९ पर्ने मुग दालको १७० र बजारमा १७८ मा पाइने ५ सय ग्राम वेलकम चियाको १८० पर्ने गरेको छ । 

खाद्य संस्थानका महाप्रवन्ध योगेन्द्र गौचन खुल्ला अर्थ बजारमा माग र बजारका हिसाबमा आपूर्तिकर्ताले वस्तुको मूल्य निर्धारण गर्न सक्ने हुँदा सुपथ मूल्य पसल भन्दा बजारमा सस्तो भएको बताउँछन् ।

“खुल्ला अर्थ नीतिको बजारमा प्रतिस्पर्धात्मक रुपमा सामानको आपूर्ति र व्यापार हुने गर्छ”, उनले भने “वस्तुको माग र बजारका हिसाबले आपूर्तिकर्ताले आफैले बजार मूल्य निर्धारण गर्न सक्ने तर बजार मूल्य भन्दा बढी मूल्य निर्धारण भने गर्न नपाउने भएकोले यस्तो भएको हो ।” 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११४.६०११५.२०
European Euro१२६.७७१२७.४४
UK Pound Sterling१४७.९३१४८.७०
Swiss Franc११५.५५११६.१६
Australian Dollar७८.०७७८.४८
Canadian Dollar८६.०९८६.५४
Singapore Dollar८४.१६८४.६०