आयोजक रुसलाई पराजित गर्दै उरुग्वे समूह विजेता

असार ११, २०७५ | आजको अर्थ
ajaako_artha


एजेन्सी । १० खेलाडीमा सिमित बनेको आयोजक रुसलाई ३–० गोलअन्तरले पराजित गर्दै उरुग्वे समूह ए को विजेता बन्न सफल भएको छ ।
दुवै टोली यसअघि नै नकआउट चरणका लागि छनौट भइसकेको अवस्थामा आजको खेलले समूह विजेताको मात्र निर्धारण गर्ने थियो ।
दुवै टोलीले यसअघिका खेलहरुमा जीत हासिल गरेको थियो ।
प्रतियोगितामा फिफा बरियताको आधारमा सबैभन्दा कमजोर टोली भए पनि शुरुवाती दुई खेलमा अप्रत्यत्यासित नतिजा निकालेको आयोजक टोलीले उरुग्वेलाई कडा टक्कर दिने आशा गरिएको थियो ।
तर, खेलको १० औँ मिनेटमा रुस पछाडि पर्न गयो । लुइस सुवारेजले फ्रिकिक मार्फत गोल गर्दै दक्षिण अमेरिकी टोलीलाई अग्रता दिलाए ।
खेलको २३ औँ मिनेटमा उरुग्वेको प्रहार डेनिस चेरसेभलाई लाग्दै आफ्नै आत्मघाती गोल भएपछि रुस २ गोलले पछि पर्न पुग्यो ।
खेलमा फर्कने प्रयास गरिरहँदा इगोर स्मोलनिकोभले दोस्रो पहेँलो कार्ड खाँदै बाहिरिएपछि रुस झन दबाबमा पर्यो ।
खेलको अन्त्यतिर एडिसन कभानीले उरुग्वेका लागि तेस्रो गोल थपे ।
अब समूह विजेता बन्दै उरुग्वेले नकआउट चरणमा समूह बीको उपविजेतासँग ३० जुनमा भिड्ने छ । रुस उपविजेता बन्दै समूह बी को विजेतासँग भिड्नुपर्नेछ । यो खेल १ जुलाईको दिन मस्कोमा हुनेछ ।
जीतविहीन बन्दै बाहिरिए इजिप्ट र साउदी
उता, आजै भएको समूहको अन्य खेलमा जीतविहीन बन्दै इजिप्ट र साउदी अरेबिया समूह चरणबाट घर फर्कन बाध्य बनेका छन् ।
सोमबार भएको समूहको अन्तिम खेलमा दुई टोली १–१ गोलको बराबरीमा रोकिएका हुन् ।
यसअघि दुवै खेल हारेर प्रतियोगिताबाट बाहिरिसकेका दुई टोलीबीच आजको खेल मात्र प्रतिष्ठाको लडाईं थियो ।
खेलको २२ औँ मिनेटमा मोहमद शालाहले इजिप्टलाई अग्रता दिलाए पनि पहिलो हाफको इन्जुरी समयमा सलमान अल फरहाजले पेनाल्टीबाट गोल गर्दै साउदीका लागि बराबरी गोल फर्काए ।
त्यसअघि खेलको ४१ औँ मिनेटमा साउदीका फहाद अल मुवाल्लादले पेनाल्टीबाट गोल गर्न चुकेका थिए ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८