चिलिमेले ४२५ मेगावाटको पाँच आयोजना बनाउँदै

असोज १७, २०७६ | आजको अर्थ
ajaako_artha

काठमाडा – नेपालको ऊर्जा क्षेत्रमा नाम कमाएको चिलिमे हाइड्रोपावरले ४२५ मेगावाटको ५ आयोजना बनाउने तयारी गरेको छ । कम्पनीले  सेतीनदी  आगामी वर्षदेखि निर्माण गर्ने तयारी गरेको छ । ती आयोजनाको विस्तृत आयोजना प्रतिवेदन (डीपीआर) तयारीको काम भइरहेको छ । सबै आयोजना सहायक कम्पनीमार्फत निर्माण  हुनेछन् ।

ती आयोजना सरकारको जनताको जलविद्युतमा परेका छन । आयोजनामा लगानी जुटाउन सर्वसाधारणलाई ४९ प्रतिशत सेयर बिक्री गर्ने योजना छ ।   सुदुरपश्चिमको बझाङमा रहेको ६५ मेगावाटको सेती नदी ३, २२० मेगावाटको बुढीगण्डकी प्रोक क्यासकेड, बुढीगण्डकीको सहायक नदी टमखोलाको ८० मेगावाट र गोरखामा रहेको ६० मेगावाटको स्यारखोला आयोजनाको डीपीआर तयारीका लागि अध्ययनको काम भइरहेको छ ।

सेती नदी आयोजना आगामी वर्षदेखि निर्माण थाल्ने तयारी चिलिमेको छ । यो वर्ष डीपीआर तयारी, नेपाल विद्युत प्राधिकरणसंग विद्युत खरिदबिक्री सम्झौता (पीपीए), लगानी जुटाएर आगामी वर्षदेखि सिभिल निर्माणको काम अघि बढाउने तयारी छ ।

ती आयोजना आर्थिक रुपमा आर्कषक देखिएको छ ।  बुढीगण्डकीमा रहेको २ आयोजना एकैपटक निर्माण गर्ने तयारी चिलिमेको छ । क्यासकेड आयोजनाको डीपीआरका लागि अध्ययन सुरु भएको छ । नेपाली सेनाले सडक निर्माण गरिरहेको छ । २ वर्ष्भित्र सडक पुग्नुका साथै डीपीआरलगायत अन्य काम सम्पन्न हुनेछ ।

टमखोला र स्यारखोलाको पनि संभाव्यता अध्ययनको काम सुरु भएको छ । यी दुबै खोला बुढीगण्डककीको सहायक नदी हुन । आयोजना बनाउन चिलिमेले कर्मचारी सञ्चय कोषबाट ऋण लिने तयारी गरेको छ । यसअघि ४ आयोजनामा सञ्चय कोषको ऋण लगानीमा निर्माण भएको हो ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८