तस्करीको मदिरासँगै पेस्तोल बरामद

कात्तिक ५, २०७६ | आजको अर्थ
ajaako_artha

सप्तरी । सप्तरीको छिन्नमस्ता गाउँपालिका–२ मोहनपुरबाट सशस्त्र प्रहरीले तस्करी हुन लागेको मदिरासहित आज अवैध हतियार बरामद गरेको छ । सशस्त्र प्रहरी बल, नेपाल बोर्डर आउट पोष्ट छिन्नमस्ताले ‘मेड इन इग्लैन्ड’ लेखिएको एक थान सिक्सर पेस्तोल र सोमा लोड भएको केएफ ७.६३ लेखिएको दुई राउण्ड गोली बरामद गरेको जनाएको छ । 

    सशस्त्र प्रहरी निरीक्षक नवीन बुढाथोकीको कमाण्डमा खटिएको पाँच जनाको पैदल गस्ती टोलीले २८ थान ‘कस्तुरी’ नामक मदिरासहित पेस्तोल बरामद गरेको सशस्त्र प्रहरी ६ नम्बर गणका प्रमुख सशस्त्र प्रहरी उपरीक्षक उद्धव न्यौपानेले बताए । 
नेपालबाट भारततर्फ नम्बर नलेखिएको मोटरसाइकलमा मदिरा तस्करी गरिरहेको अवस्थामा तस्करले छाडेर भागेको मदिराको बोरामा पेस्तोल फेला परेको हो ।

 तस्करले छाडेको मोटरसाइकल जाँच गर्दा बोराभित्र २८ थान कस्तुरी मदिरा र पेस्तोल फेला परेको सशस्त्र प्रहरी उपरीक्षक न्यौपानेले बताए । बरामद गरिएको पेस्तोल, मदिरा र मोटरसाइकल आज इलाका प्रहरी कार्यालयको जिम्मा लगाइएको छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११३.७६११४.३६
European Euro१२३.३४१२३.९९
UK Pound Sterling१४८.०९१४८.८७
Swiss Franc११५.८८११६.४९
Australian Dollar७६.४७७६.८७
Canadian Dollar८५.९९८६.४५
Singapore Dollar८१.८८८२.३१