१० हजारमा बेचेकी बालिकालाई युवती बनाउन सुई र औषधि

कात्तिक २७, २०७६ | आजको अर्थ
ajaako_artha

नेपालबाट दिल्लीको कोठीमा बेचिने बालिकालाई युवती बनाउन सुई र औषधी प्रयोग गरी यौनकार्यमा संलग्न गराएको खुलेको छ ।

मानव बेचबिखन अनुसन्धान ब्युरोले दिल्लीको मधुनबाट उद्धार गरेकी बालिकाले यस्तो कुराको रहस्य खोलेकी हुन् । 

नुवाकोट सुर्यगढी–६ का कान्छिमाया तामाङ भनिने कृष्णमाया लामाले बेचेकी  

नेपालबाट  १५ वर्षे बालिकालाई दिल्लीमा बेचेर युवती बनाउन सुई र औषधी प्रयोग गरी यौनकार्यमा संलग्न गराएको खुलेको छ ।
 
१५ वर्षीया ति बालिकालाई २०७६ माघमा आफ्नै नातेदार पर्ने नुवाकोट सुर्यगढी–६ का कान्छिमाया तामाङ भनिने कृष्णमाया लामाले विक्री गरेकी थिइन् ।

कमजोर आर्थिक अवस्था भएर काठमाडौंको एक होटलमा काम गरिरहेकी ति बालिकालाई लामाले गाउँमा काम लगाउने भन्दै उनलाई भारतमा लगेर बेचेकी थिइन् । 

बसमा चढेपछि वान्ता नहुने औषधि भन्दै लामाले पटक–पटक लठ्याउने औषधि खुवाएर बेहोस् बनाइ दिल्ली पु¥याएको बालिकाले बताएकी छन् । 

दलालले उनलाई रु. १० हजार भारतीय रुपैँयामा मधुनमा कोठी सञ्चालन गरि बसेका लक्ष्मी र हेमालाई बुझाएका थिए ।

त्यसपछि ती बालिकालाई कोठी सञ्चालकले युवती बनाउन एक महिनासम्म कोठामा बन्धक बनाएर सुई र औषधि प्रयोग गरेका थिए ।

एक महिनापछि उनलाई भारतको नयाँ दिल्लीस्थित कोठी नम्बर ५११ मा दुई वर्ष, कोठी नम्बर ६४ मा दुई वर्ष, कोठी नं. नम्बर ६४ मा दुई वर्ष र कोठी नम्बर ४० मा १५ दिन राखेर यौन धन्दामा लगाइएको खुलेको छ ।

त्यसै क्रममा एक नेपाली ग्राहकलाई ती बालिकालाई आफ्नो समस्या राखेपछि उनलाई त्यहाँबाट निकालेर माइती नेपालको नेपालगञ्ज शाखा कार्यालयबाट उद्धार गरियो ।

अहिले २१ वर्ष पुगेकी उनले उद्धारपछि प्रहरीलाई जाहेरी दिएपछि बेचबिखनमा संलग्न कृष्णमाया लामा पक्राउ परेकी हुन् । 
ब्यूरोका अनुसार फरार अभियुक्त नुवाकोट–६ का ४२ वर्षीया शेरबहादुर लामाको खोजी भइरहेको छ ।

मानव बेचबिखन अनुसन्धान ब्यूरोले २७ कात्तिकमा उक्त घटनाबारे विवरण सार्वजनिक गर्दै नेपाली बालिकाहरुलाई भारतका विभिन्न स्थानमा लगेर बिक्री गर्ने क्रममा सुई र अन्य औषधिहरु प्रयोग गरेर युवती बनाउने गरिएको बताएको छ । 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११४.५२११५.१२
European Euro१२६.९४१२७.६०
UK Pound Sterling१४८.१६१४८.९४
Swiss Franc११५.६५११६.२६
Australian Dollar७७.९७७८.३८
Canadian Dollar८६.०९८६.५४
Singapore Dollar८४.१३८४.५७