ट्रम्फ कम्पनीले ल्याउदैं २५ सय सिसीको मोटरसाइकल, यस्तो छ विशेषता

मंसिर १०, २०७६ | आजको अर्थ
ajaako_artha

बेलायती मोटरसाइकल उत्पादक ब्रान्ड ट्रम्फले भारतीय बजारमा नयाँ मोटरसाइकल सार्वजनिक गर्ने भएको छ। कम्पनीले भारतीय बजारमा आगामी डिसेम्बर ५ मा २५ सय सिसी इन्जिन क्षमताको शक्तिशाली मोटरसाइकल शोकेस गर्ने भएको छ। 

नयाँ ट्रम्फ रकेट ३ मोटरसाइकल अत्याधुनिक प्लेटफर्ममा आधारित रहेको छ। ट्रम्फको रकेट ३ आर र रकेट ३ जिटी दुई मोडल अन्तर्राष्ट्रिय बजारमा उपलब्ध छ। 
रकेट ३ को सबैभन्दा सवल पक्ष भनेको यो मोटरसाइकलमा लगाइएको २५ सय सिसीको लिक्विड–कुल्ड इन्जिन हो। ट्रम्फले हालसम्म उत्पादन गरेको यो सबैभन्दा शक्तिशाली इन्जिनयुक्त मोटरसाइकल हो। यो इन्जिनले ६ हजार आरपिएममा १६७ एचपी पावर र ४ हजार आरपिएममा २२१ एनएम टर्क दिन्छ। 

ट्रम्फको नयाँ मोटरसाइकल आकर्षक क्रुज, ट्विन हेडल्याम्प, दुवैतिर मोटो टायर रहेको छ। त्यस्तै यो मोटरसाइकलमा टिएसटी इन्सट्रुमेन्ट प्यानल छ जहाँ मोटरसाइकलबारे सम्पूर्ण जानकारी देख्न सकिन्छ।

मोटरसाइकलमा स्पोर्ट, रेन, रोड र राइडर गरी ४ ड्राइभिङ मोड उपलब्ध छ। त्यस्तै एबिएस, ट्र्याक्सन कन्ट्रोल सिस्टम, क्रुज कन्ट्रोल, हिल–होल्ड कन्ट्रोल, कि लेस इग्निसन, टायर प्रेसर मनिटरिङ सिस्टम लगायत विशेषता मोटरसाइकलमा छ।  

नयाँ रकेट ३ मा आल्मुनियम फ्रेम दिइएको छ। मोटरसाइकलमा अगाडि अपसाइड डाउन फोर्क र पछाडि मोनोसक सस्पेन्सन उपलब्ध छ भने अगाडि ३२० एमएम ट्विन डिस्क र पछाडि ३ सय एमएम डिस्क ब्रेक रहेको छ। यो मोटरसाइकल भारतमा शोकेस गरेको केही समयपछि बिक्री सुरु हुने कम्पनीले जनाएको छ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११४.५२११५.१२
European Euro१२६.९४१२७.६०
UK Pound Sterling१४८.१६१४८.९४
Swiss Franc११५.६५११६.२६
Australian Dollar७७.९७७८.३८
Canadian Dollar८६.०९८६.५४
Singapore Dollar८४.१३८४.५७