चार महिनामै १२ उद्योग कारवाहीमा, उत्पादित सामान किन्दा सचेत रहनुहोला

मंसिर १८, २०७६ | आजको अर्थ
ajaako_artha

आर्थिक बर्ष शुरु भएको चार महिनामा नेपालका १२ उद्योग कारवाहीमा परेका छन् । गुणस्तर तथा नापतौल विभागले उत्पादित बस्तुमा गुणस्तर कायम नगर्ने  र कमसल वस्तुको उत्पादन गर्ने १२ वटा उद्योगहरुलाई कारवाही गरेको हो । 

कारबाहीमा पर्नेहरुमा पाँच सिमेण्ट उद्योग, दुई छड उद्योग र पाँच ग्याँस उद्योग छन् । 
सिमेण्ट उद्योग तर्फ हिमालयज सिमेन्ट, नेपाल अल्टाट्रेक सिमेन्ट, जानकी सिमेन्ट, विशाल सिमेन्ट र अर्घाखाँची सिमेन्ट कारवाहीमा परेको विभागका निर्देशक सञ्जिव कुमार ठाकुरले बताए ।

त्यसैगरी छडतर्फ  प्रिमियम स्टिल,  हुलास वायर्ससँग र ग्याँस उद्योगमा सिद्धार्थ ग्याँस, ओम ग्याँस, नमस्ते ग्याँस, श्रीमाया ग्याँस र नेपाल ग्याँस उद्योग कारवाहीमा परेका छन् ।

 उत्पादन गरी बजारमा पठाईएको वस्तु तथा उद्योगको स्थलगत निरिक्षणका क्रममा फेला परेका नमुनाका आधारमा त्यी उद्योगहरुलाई कारबाही गरिएको ठाकुरले बताए । 
अनुगमनको क्रममा उत्पादित वस्तुमा गुणस्तर कायम नगर्ने  र कमसल वस्तुको उत्पादन गरेको फेला परेपछि सबैलाई स्पष्टिकरण लिई गुणस्तर सुधार्न निर्देशन दिइएको थियो । 
विभागका अनुसार त्यो पहिलो चरणको कार्वाही हो । स्पष्टिकरण र गुणस्तर सुधार नगरेमा विभागले दोश्रो चरणको कारवाही गर्छ । 

चार महिनाको अवधिमा त्यसरी दोश्रो चरणको कारवाहीमा पर्नेहरुमा २ ग्याँस उद्योग छन् । ग्यास सिलिण्डरको सुरक्षात्मक क्षमता, प्रेसर, हाईड्रोस्टाटीक परिक्षण, भण्डारणको अवस्था तथा भल्भको परिक्षण गर्दा गुणस्तर कायम नगरि बिक्री वितरण गरिएकोले ति स्पष्टीकरण सोध्दै गुणस्तर सुधार्न लेखि पठाएको थियो । तर सिद्धार्थ र ओम ग्याँसले स्पष्टिकरण सोध्दा पनि उपयुक्त जवाफ नदिएपछि १० दिनसम्म बन्द गरेको विभागका निर्देशक ठाकुरले बताए । 

नेपाल गुणस्तर प्रमाण चिन्ह (एनएस) प्राप्त उद्योगहरुको अनुगमन गर्दै आएको विभागले चार महिनामा १ सय ५५ भन्दा बढि उद्योगहरुको अनुगमन र ३१ वटा उद्योगमा आकस्मिक निरिक्षण समेत गरेको थियो ।    
हालसम्म ३ सय ५० ओटा उद्योगलले नेपाल गुणस्तर चिन्ह प्राप्त गरेका छन् ।  

४२ ओटा एनएस चिन्ह पाएका मध्ये विभागले यो अबधीमा १३ ओटा ग्यास उद्योगमा अनुगमन गरेको छ ।


 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८