बाँकेको कोहलपुरमा ट्रकको ठक्करबाट एक स्कुले बालिकाको मृत्यु भएपछि स्थिति तनावपूर्ण भएको छ।
कोहलपुर नेपालगञ्ज सडकखण्ड अन्तर्गत हाईस्कुल चोकमा आईतबार विहान ट्रकले स्कुले बालिकालाई ठक्कर दिएको थियो । मृतक बालिकाको सनाखत हुन सकेको छैन ।
घटनापछि स्थानिय तथा विद्यार्थीहरुले टायर बालेर सडक अबरुद्ध पारका थिए ।
आक्रोसित भिडलाई नियन्त्रण गर्नका लागी प्रहरीले बल प्रयोग गरेको थियो । आक्रोसित भिडले इलाका प्रहरी कार्यालय कोहलपुरमा पनि ढुङ्गामुढा गरेपछि भिडलाई नियन्त्रणमा लिन प्रहरीले केहि राउन्ड अश्रुग्यास हानेको थियो ।
गाडीहरु बीच सडकमै रोकिादा यात्रुहरु अलपत्र परेका छन् । सडकमा रोकिएका अधिकांश गाडीहरुको सिसा विद्यार्थीहरुले फुटाइदिएका छन् ।
प्रहरीले बाटो खुलाउने प्रयास गरिरहेको जनाएको छ ।
प्रतिक्रिया