२३ वर्षपछि आँशु– ३ लिएर आए तिलक पेला

पुस १९, २०७६ | आजको अर्थ
ajaako_artha

लामो समयदेखि सास्त्रिय संगीतमा साधनारत गायक तथा संगीतकार तिकलसिंह पेलाले २३ वर्षपछि आँशु एल्बमको तेश्रो भाग ‘ निर्जन किनार’ को प्रोमो सार्वजनिक गरेका छन् ।

 शनिबार राजधानीमा आयोजित पत्रकार सम्मेलनमार्फत आँशु –३ मा २ वटा नेपाली गजल, ४ वटा आधुनिक गीत, एउटा हिन्दी भजन गरी जम्मा ८ वटा रचनाहरू समावेश गरिएको गायक पेलाले बताए । 

ती मध्ये ‘निर्जन किनार’ र ‘कथा एउटै तिम्रो मेरो’ गितहरुको कार्यक्रममा प्रोमो सार्वजनिक गरिएको हो । बिसं २०५३ सालमा आफ्नै गायन तथा सङगीतमा आँशु एल्बम बजारमा ल्याएका गायक तथा सङगीतकार पेलाले २०५४ सालमा आँसु भाग २ ल्याएका थिए । आँशु एल्बमले त्यति बेला निकै चर्चा पाएको थियो । बिसं २०६१ सालदेखि  काठमाडौं बनस्थलीमा श्रीकृष्ण गुरुकुल संगीत पाठशालाको स्थापना गरी उनी शास्त्रिय संगीत साधनामा तल्लिन रहे । 

 श्रोताहरुको अपार माया र स्नेहले २३ वर्षको साधनापछि आफू आँशु भाग ३ लिएर सांगितिक बजारमा पुन आएको गायक पेलाले बताए । उक्त एल्बमको यही पुष २६ गते भव्य समारोहका बिच सार्वजिक हुने भएको छ ।

 सांङ्गीतिक हिसावले सुदूरपश्चिमलाई देउडाका माध्यमले बढी चिनिने गरिन्छ । तर पेलाले देउडाका साथसाथै शास्त्रिय सङगीतका माध्यमलाई मुल बिधा बनाए । हुन त उनले पनि देउडा नगाएका होइनन् । एउँटा मातृभूमिप्रति समर्पित देउडा गितको एल्बम नै निकाले तर उनको छवि शास्त्रीय सङगीतमै बन्यो ।  


ज्ञानबिनाको नाम कमाएर आफू पनि ठगिनु र अरुलाई पनि ठग्नु जस्तो लागेर शास्त्रिय संगीतको लामो साधनापछि झण्डै २३ वर्ष पछाडि रेकर्डिङको दुनियामा आफु फर्केको पेलाले बताए ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११३.८३११४.४३
European Euro१२५.५९१२६.२५
UK Pound Sterling१४८.९७१४९.७६
Swiss Franc११७.२५११७.८७
Australian Dollar७७.९३७८.३४
Canadian Dollar८६.६५८७.१०
Singapore Dollar८४.२३८४.६७