३७ लागिन् रेखा : अभिनयमा सफल,राजनीतिमा असफल

भदौ ५, २०७५ | आजको अर्थ
ajaako_artha

काठमाडौं – अभिनेत्री रेखा थापा ३७ वर्ष लागेकी छन् । आज अर्थात भाद्र ५ गतेबाट उनी ३७ टेकेकी हुन् । आज नै उनले आफ्नो नजिकका पत्रकार तथा चलचित्रकर्मीसँग जन्मदिनको खुसी केक काटेर साट्दै छिन् । अभिनेत्रीको रुपमा प्रवेश गरेकी रेखालाई पछिल्लो समय चलचित्र क्षेत्रमा अभिनेत्री, निर्माता र निर्देशकको रुपमासमेत चिन्ने गरिन्छ ।

पूर्वी नेपालमा जन्मिएकी रेखा सौन्दर्य प्रतियोगिता हुँदै अभिनयमा भित्रिएकी हुन् । नरेश पौडेलको निर्देशन तथा छविराज ओझाको निर्माण रहेको चलचित्र ‘हिरो’बाट अभिनयमा डेब्यू गरेकी रेखाले २ सय हाराहारी चलचित्र अभिनय गरेकी छन् । ती मध्य धेरे हिट छन् ।

हिरोको एक्सन चल्ने समयमा एकाएक एक्सनमा देखेर चलचित्रमा नारी एक्सन भित्रयाउन सफल रेखाको करिब १६ वर्षदेखि चलचित्र अभिनयमा क्रियाशिल छिन् ।

पत्रकारलाई हिर्काउने देखि पुष्पकमल दाहाल ९प्रचण्ड०सँग नाचेर समय समयमा विभिन्न कारणले चर्चा रहन सफल अभिनेत्री रेखा अहिले भने एक्लो छिन् । केही बर्ष अगाडि निर्माता छबिराज ओझासँग छुट्टिएर उनी एक्लै रहदै आएकी हुन् ।

चलचित्र क्षेत्रमा अभिनेता राजेश हमालदेखि निखिल उप्रेती, विराज भट्ट, आर्यन सिग्देल लगायत धेरै अभिनेतासँग काम गरेकी रेखाको कुनैपनि हिरोसँग राम्रो सम्बन्ध लामो समय रहन सकेन । स्टारडमको घमन्ड गर्दै सबैसँग सम्बन्ध बिगारेकी रेखा पछिल्लो समय सम्बन्ध सुर्धान तिर लागेकी छन् । किनभने केही समययता उनको चलचित्रले दर्शक तान्न सकेन । 

केही पहिले अभिनेता आर्यन सिग्देलसँग सम्बन्ध सुधार्दै उनले एक चलचित्र निर्माण गरेकी थिइन् । उक्त चलचित्रले न त दर्शकको मन जित्यो । न त उनको लगानी सुरक्षित नै गर्यो । 

दर्शकको रोजाइमा अभिनय पर्न छोडेपनि उनी निर्माण र अभिनयमा भने निरन्तर देखिदै आएकी छन् । बाहिरी भन्दा पनि उनलाई होम प्रोडक्सनको चलचित्रमा मात्र देख्न पाइन्छ । 

उनले अहिले निर्माण गरेको चलचित्र ‘मालिका’ प्रदर्शनको तयारीमा छ । बालबिबाह बिषय बनाइएको यो चलचित्र चल्छ चल्दैन, यसै भन्न सकिन्न । पछिल्लो समय उनको स्टारडम खस्किएकोले पनि उनको चलचित्रले लगानी उठाउन नसकेको तर्फ पुराना चलचित्रकर्मीको रहेको छ । 

हुन त चलचित्र क्षेत्रमा स्टारडम खस्कदै जान थालेपछि राजनीति रोजेकी रेखा तत्कालिन समयमा नेकपा माओवादीका अध्यक्ष पुष्पकमल दाहाल ‘प्रचण्ड’सँंग कम्मर मर्काउदै माओवादी छिरेकी थिइन् । 

त्यसपछि उनी कमल थापाको बिचार मन पर्यो भन्दै राप्रपा प्रवेश गरिन् । । अहिले कमल थापा छोडेर उनी राप्रपाका अर्का नेता पशुपतिशम्शेर राणा समूहतिर ढल्किएकी छन् । यता र उता भौतारिने शैलीले उनको राजनीतिक करियर भने उभो लाग्न सकेको छैन । उनीसँगै राप्रपा छिरेकी गायिका कोमल ओली भने नेकपा एमाले प्रवेश गरेर सांसद भइसकेकी छन् ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८