वाल स्ट्रिटमा १० खर्ब डलर मूल्याकंन हुने एक नयाँ कम्पनी थपिएको छ । बिहीबार गुगलको अभिभावक कम्पनी अल्फाबेटको शेयर अहिलेसम्मकै उच्च रह्यो । 

अल्फाबेटको बजार मूल्य १० खर्ब डलर पुगेको छ । अल्फाबेटसँगै एप्पल, माइक्रोसफ्टको बजार मूल्याकंन १० खर्ब डलर छ । यी तीन अमेरिकी कम्पनी हुन् र तीन वटै प्रविधिसँग सम्बन्धित छन् । तर यी तीन बाहेक साउदी अरबको तेल कम्पनी साउदी अराम्कोको बजार मूल्य पनि १० खर्ब डलर रहेको छ । 

यी चार वटाध्ये पनि साउदी अराम्कोको बजार मुल्य सबैभन्दा बढी छ । अघिल्लो महिना २० अर्ब डलर मुल्यमा सार्वजनिक गरिएको कम्पनीको वर्तमान मूल्य केही घटेर १८ खर्ब डलर पुगेको छ । 

साउदी अराम्कोपछि सबैभन्दा बढी बजार मुल्य एप्पलको देखिन्छ । अमेरिकाको सबैभन्दा महङ्गो कम्पनी एप्पलको बजार मुल्य १४ अर्ब डलर छ । त्यसपछि १३ अर्ब डलरको मुल्यसहित माइक्रोसफ्ट विश्वको तेस्रो मूल्यवान कम्पनी हो । 

यस अघि अमेरिकी कम्पनी अमेजन पनि १० खर्ब डलरको बजार मूल्यमा पुगेको भए पनि पछि कम्पनीको शेयर मुल्य खस्कदा बजार मुल्य ९।३ खर्ब डलरमा झरेको छ । 

अल्फाबेटको शेयर सन् २०२० को सुरुमै ८ प्रतिशतले बढिसकेको छ । उता अमेरिका र चीनबीचको पहिलो चरणको व्यापार सम्झौतापछिको आशापूर्ण वातावराण्मा अमेरिकाको प्रविधि क्षेत्र सुधार देखिन थालेको छ ।