मलेसियाद्वारा धनी राष्ट्रका फोहोरले भरिएका १५० जहाज फिर्ता

माघ ७, २०७६ | आजको अर्थ
ajaako_artha

मलेशियाले प्लाष्टिकजन्य फोहोर रहेका १५० वटा ढुवानी कन्टेनर फिर्ता गरिदिएको छ ।

तिनले अमेरिका, बेलायत, फ्रान्स र क्यानडाजस्ता धनी राष्ट्रका फोहोर बोकेका थिए ।
मलेशियाले आगामी दिन आफ्नो देश ‘डम्पिङ साइट’ नहुने बताएको छ ।

सन् २०१८देखि उक्त दक्षिण–पूर्वी एशियाली देशमा अनाधिकृत रुपमा प्लाष्टिकजन्य फोहारको ढुवानी ह्वात्तै बढेको छ । 
चीनमा संचालित ठूलो पुनरचक्रिय उद्योगमाथि त्यहाँको सरकारले प्रतिबन्ध लगाएपछि विश्वका धनाढ्य राष्ट्रका फोहोर चीनका छेउछाउ देशमा अनधिकृत रुपमा लान थालिएको छ । 

त्यसमा पनि मलेशिया मुख्य गन्तव्य बन्न थालेको थियो । मलेशियाली सरकारले अनधिकृत रुपमा भइरहेको यी कार्यविरुद्ध कदम उठाएको हो । 
सोमबार मलेशियाका वातावरणमन्त्री यीओ बी–यीनले फोहोर बोकेका ढुवानी कन्टेनर फिर्ता गरिएकोबारे जानकारी दिदै १३ देशका ३७३७ मेट्रिक टन फोहोर फिर्ता गरेको बताइन्

। 
फिर्ता गरिएका १५० ढुवानी कन्टेनरमध्ये ४३ फ्रान्सका थिए, ४२ संयुक्त अधिराज्य फिर्ता गरिएका थिए । त्यस्तै अमेरिकाका १७ जहाज छन् भने क्यनाडाका ११ छन् । 

एक लामो फेसबुब पोस्टमा यिओले लेखेकी छन् ,‘ मलेशिया विश्वको फोहोर फाल्ने ‘डम्पिङ साइट’ नहोस् भनेर सरकारले कदम उठाएको छ । ’
हाल फिर्ता गरिएको कन्टेनरको खर्च गन्तव्य देश र जहाज संचालक कम्पनीले बेहोर्ने यिओले बताइन् । 

चीनले वातावरण सफाइको लागि भन्दै दुई वर्षअघि प्लाष्टिकजन्य फोहोरको निर्यातमा प्रतिबन्ध लगाएको थियो । त्यस कदमले फोहोर अन्य देशमा फाल्ने देशमा खैलाबैला मच्चिएको थियो । 

भर्खरै ग्रिनपिसले सार्वजनिक गरेको एक रिपोर्ट अनुसार सन् २०१८ को पहिलो सात महिनामा अमेरिकाबाट मलेशिया निर्यात हुने प्लाष्टिक फोहोर अघिल्लो वर्षको तुलनामा दोब्बर रहेको थियो । 
अघिल्लो वर्ष फिलिपिन्सले क्यानडाबाट आएको फोहोरविरुद्ध यस्तै अडान लिएको थियो । 

अघिल्लो वर्ष मेमा १८७ देशका सरकारले प्लाष्टिकलाई बेसेल महासन्धीमा  थप्न सहमती जनाए । यो सन्धीले फाहोर सामाग्रीलाई एक देशबाट अर्को देशमा हुने ढुवानीलाई नियमन गर्छ । अमेरिकी सरकारले पनि त्यसमा सहमती जनाएको छैन । 
 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११४.७२११५.३२
European Euro१२४.२६१२४.९१
UK Pound Sterling१४८.७४१४९.५२
Swiss Franc११७.२२११७.८३
Australian Dollar७५.६६७६.०५
Canadian Dollar८६.२७८६.७२
Singapore Dollar८१.९५८२.३८