सहारा विकास बैंकले चालु आवको दोस्रो त्रैमासमा १ करोड ४५ लाख रुपैयाँ बराबरको खुद नाफा आर्जन गरेको छ ।बैंकले आज दोस्रो त्रैमासको वित्तिय विवरण जारी गर्दै उक्त जानकारी दिएको हो ।
यस अवधीमा बैंकले अघिल्लो आवको यसै अवधीको तुलानामा ३० लाख रुपैयाँले नाफा बढाएको छ ।
अघिल्लो वर्षको यसै अवधीमा बैंकले १ करोड १५ लाख रुपैयाँ बराबरको खुद नाफा आर्जन गरेको थियो ।
यस अवधीमा बैंकको खुद ब्याज आम्दानी ५४ प्रतिशतले बढ्ेको छ । गत आवको यसै अवधीमा बैंकले १ करोड ५६ लाख रुपैयाँ बराबरको ब्याज आम्दानी गरेकोमा समीक्षा अवधीमा भने ८५ लाख रुपैयाँले बढाएर २ करोड ४२ लाख बराबरको ब्याज आम्दानी गरेको छ ।
यस अवधीमा बैंकको सञ्चालन मुनाफा पनि ४२ लाख हारहारीमा बढे्को छ । अघिल्लो आवको यसै अवधीमा बैंकले २ करोड ६५ लाख बराबरको सञ्चालन आम्दानी गरेको छ भने समीक्षा अवधीमा ३ करोड ८ लाख रुपैयाँ बराबरको आम्दानी गरेको छ ।
अहिले सम्ममा बैंकले ७८ करोड ९२ लाख बराबरको निक्षप संकलन गरेको छ भने ६८ करोड ८४ लाख बराबरको कर्जा प्रवाह गरेको छ ।
हाल बैंकको चुक्ता पूँजी १६ करोड ३३ लाख रुपैयाँ रहेको छ भने जगेडा कोषमा ७ करोड ७५ लाख रुपैयाँ सञ्चित छ ।
प्रतिक्रिया