एफएनसीसीआई चुनावः बरिष्ठ उपाध्यक्षमा ढकाल र प्रधान बीच कडा प्रतिस्पर्धा हुने संकेत

आफ्नै प्रतिस्पर्धीलाई नै गोल्छाको समर्थन
फागुन २, २०७६ | आजको अर्थ
ajaako_artha

काठमाडौं –निजी क्षेत्रका व्यवसायीहरुको सबैभन्दा ठुलो संस्था नेपाल उद्योग बाणिज्य व्यवसायी संघ (एफएनसीसीआई) को आगमी अधिवेशनमा बरिष्ठ उपाध्यक्षमा चन्द्र प्रसाद ढकाल र किशोर प्रधान बीच कडा प्रतिस्पर्धा हुने देखिएको छ । आगमी अधिवेशनका लागि ढकाल र प्रधानले बरिष्ठ उपाध्यक्षमा उम्मेदवारी घोषणा गरिसकेका छन्, उनीहरुको समर्थनको माहोल र पछिल्लो अवस्था हेर्दा दुई जना बीच कर्डा प्रतिस्पर्धा हुने देखिएको छ ।
ढकालले आफ्नो गृह जिल्ला बागलुङबाट पौष ११ गते बागलुङ महोत्सवको उद्घाटन समारोह उम्मेदवारी घोषणा गरेका थिए । महासंघको बस्तुगत तर्फको उपाध्यक्ष समेत रहेका ढकालले बागलुङ उद्योग बाणिज्य संघको प्रस्तावमा उम्मेदवारी घोषणा गरेका थिए । यस्तै, महासंघको जिल्ला नगर तर्फको उपाध्यक्ष किशोर प्रधानले पनि बिहीबार बिराटनगरबाट बरिष्ठ उपाध्यक्षमा उम्मेदवारी घोषणा गरेका हुन् । 
महासंघको विधानअनुसार हालको बरिष्ठ उपाध्यक्ष पछि स्वत अध्यक्ष हुन पाउने व्यवस्था छ । सोही अनुसार हालका बरिष्ठ उपाध्यक्ष शेखर गोल्छा चैतमा हुने आगमी अबिधेशनबाट अध्यक्ष चयन हुदैछन् । उनले बैशाख १ गते अध्यक्षको जिम्मावारी सम्हाल्ने बताइएको छ । त्यसपछि भावी अध्यक्ष बन्ने योजना सहित ढकाल र प्रधानले बरिष्ठ उपाध्यक्षमा उम्मेदवारी दिएका हुन् ।
ढकालले गृहजिल्लामा ३०÷४० भन्दा बढीको जिल्ला नगरको अध्यक्ष, केही केन्द्रीय सदस्य र उपाध्यक्ष उमेशलाल श्रेष्ठसहित उम्मेदवारी घोषणा गरेका थिए । श्रेष्ठ आफैमा बरिष्ठ उपाध्यक्षको लागि बलियो दावेदार थिए । तर, उनले चन्द्र ढकाललाई समर्थन जनाइसकेका छन् । जसअनुसार ढकालको समुह पनि बलियोसँग चुनाव मैदानमा उत्रि सकेको छ । 

ढकालको उम्मेदवारी घोषणा सभाः पुस ११, बागलुङ

ढकालको उम्मेदवारी घोषणा सभाः पुस ११, बागलुङ
 

यता, प्रधानको समुह पनि कम छैन । प्रधानले पुर्व अध्यक्ष पशुपति मुराका, भावी अध्यक्ष शेखर गोल्छा सहितको समर्थनमा उम्मेदावरी घोषणा गरेका छन् । साथै, पुर्व अध्यक्ष कुशकुमार जोशी र विनोदबहादुर श्रेष्ठको पनि उनलाई समर्थन  छ । साथै, ३५ जिल्ला नगर अध्यक्षको समर्थन रहेको बताइएको छ, जसअनुसार प्रधानको समुह पनि बलियो देखिएको छ । रोचक कुरा के छ भने, प्रधान गत अधिवेशनमा गोल्छासँग नै बरिष्ठ उपाध्यक्षमा हारेका हुन् । तर, अहिले गोल्छाले नै आफ्ना प्रतिस्पर्धीलाई समर्थन जनाएका छन् ।

प्रधानको उम्मेदवारी घोषणा सभाः फागुन १, विराटनगर
तर, ढकाल चुनाव नहुने भन्नेमा विश्वस्त छन् । अन्तिम समयसम्म आउँदा प्रधान पनि चुनावी मैदानबाट व्याक हुने र आफु निर्विरोध बरिष्ठ उपाध्यक्ष हुने उनको विश्वास छ ।
यता प्रधानको अभिव्यक्ति हेर्दा उनी व्याक हुने अवस्था देखिदैन । गत आवमा सोही पदमा हारेका प्रधान यसैपनि यो पटक पुनः उम्मेदावारी दिने नै थिए । त्यसमाथि उनले ढकाललाई व्याजदरमा व्यवसायीले भोगेको मर्का नबुझ्ने आरोप लगाउँदै आएका छन् । ढकाल नेपालको सबैभन्दा ठुलो बैंक ग्लोबल आईएमईका अध्यक्ष हुन् । बैंकिङ क्षेत्रका व्यक्तिले व्यवसायीको मर्का नबुझ्ने प्रधानको भनाइ छ ।
यसरी दुवै समुह बलियो रुपमा चुनावी मैदानमा उत्रिएपछि यसरी महासंघको आगमी चुनाव पहिलेको भन्दा कडा र रोचक हुने देखिएको छ । जसअनुसार यो चुनाव ऐतिहासिक हुने बताइउको छ । तर, जित यसैको हुन्छ भनेर भन्ने स्थिती छैन ।
महासंघ निजी क्षेत्रको सबैभन्दा ठुलो संगठन हो । बजेट बनाउँदा होस या मौद्रिक नीति ल्याउँदा, सरकारले महासंघ राय सुझाव लिने गर्छ । साथै, राज्यको अधिकांश नीति निर्माणमा यसले ठुलो भुमिका निर्वाह गर्दै आएको छ । त्यसैले महासंघको अध्यक्ष पद अत्यन्त शत्तिशालि ठानिन्छ । 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११४.३६११४.९६
European Euro१२४.४५१२५.१०
UK Pound Sterling१४७.९६१४८.७४
Swiss Franc११७.२७११७.८८
Australian Dollar७५.१३७५.५३
Canadian Dollar८६.०२८६.४७
Singapore Dollar८१.८३८२.२६