टिप्पणीः बढ्दो शेयर बजारमा नयाँ लगानीकर्ता फस्ने सम्भावना

अहिले यसरी बजार बढ्नुलाई स्वभाविक मानिएको छैन
फागुन १४, २०७६ | आजको अर्थ
ajaako_artha

काठमाडौं –नेपाली शेयर बजार अर्थात् नेपाल स्टक एक्सचेन्ज (नेप्से) पछिल्लो समय उच्च मात्रामा बढदै गएको छ । केही महिना अघि ११०० विन्दुको हारहारीमा रहेको नेप्से परिसचुक अहिले १६ सय नजिक पुग्न थालेको छ ।
सन् २०१६ सेप्टेम्बरमा १८०० भन्दा माथिल्लो विन्दुमा पुगेको नेपाली शेयर बजार पछि ११०० विन्दुमा झर्यो । लामो समयसम्म नेप्से सोही विन्दुमा घुमीरह्यो । तर, अहिले नेप्से करेक्सन हुँदै दैनिक दोहोरो अंकका दरले बढेको छ भने कारोबार पनि उच्च मात्रामा हुदै आएको छ । नेप्से कारोबारले त यो हप्ता नयाँ इतिहास नै कायम गरेको छ ।
यसरी अहिले नेप्से बुलिश ट्रेन्डमा अगाडि बढेको छ । विशेषगरि अर्थमन्त्री डा. युवराज खतिवडा अर्थमन्त्रीबाट हट्ने हल्लाले यस्तो अवस्था आएको बताइन्छ । तर, त्यसले कम्पनी तथा नेप्से परिसुचकमा परिवर्तन भने ल्याउदैन । 
यद्यपि, पुँजी बजार सम्बन्धी सुधारका काम पनि नभएका होइनन् । पुँजी बजार सुधारका लागि नीतिगत परिमार्जन गर्ने काम भएका छन् । संघीय संसद्को अर्थ समितिले पनि यस बिषयमा काम गरिरहेको छ । नेप्सेमा अनलाइन ट्रेडिङको व्यवस्थासँगै मार्जिन कारोबार, स्टक डिलर लगायतका लगानीकर्ताको माग पनि पुरा भएको अवस्था छ । यी यस्ता कारणले पनि बजार बढेको हुन सक्ने बताइन्छ ।  
पहिला बैंकहरूमा तरलताको अभाव थियो ।  बैंकहरले व्याजदर बढाएर तरलता बढाउने काम पनि गरे । यस बीचमा बैंकहरूले मुद्दतीमा १३ प्रतिशतसम्म व्याज दिने घोषणा गरे । फलस्वरुप लगानीकर्ताहरू शेयर बजार भन्दा पनि मुद्दतीमा पैसा जम्मा गर्न थाले । यी यस्ता कारणले शेयर बजार घटेको थियो ।
तर, अहिले बैंकसँग तरलता छ । साथै, बचतमा व्याज कम दिएका छन् । यस अवस्थामा बैंकबाट कर्जा लिएर बजारमा नयाँ लगानीकर्ता छिरेको अनुमान पनि गरिएको छ । जसअनुसार अहिले बजारमा अल्कालिन र दिर्घकालिन लगानीकर्ताहरू सक्रिय छन् । यी यस्ता कारणले  पनि अहिले बजार बढ्द मद्दत पुगेको बताइन्छ ।
तर, बढ्दो बजारमा नयाँ लगानीकर्ता भने सचेत हुनुपर्ने देखिन्छ । केही ठुला लगानीकर्ताले अनावश्यक हल्ला चलाएर बजार बढाउन मद्दत पुग्ने र पछि घटाएर नाफा कमाउने गरेको पनि कुराहरु सुन्ने गरिन्छ । 
यदि, बजार ओरालो लाग्ने हो भने नयाँ लगानीकर्ताहरु फस्ने सम्भावना पनि उत्तिकै हुने देखिन्छ । किनकी बजार निन्तरत बढ्छ भन्ने हुदैन । साथै, शेयर बजारबाट सबैले कमाएका पनि छैनन् । बिगतमा शेयर बजार १८०० को विन्दुमा ऋण लिएर धेरै नयाँ लगानीकर्ता बजारमा आए । उनीहरुले आफुले बहन गर्न सक्ने भन्दा पनि बढी ऋण लिएर बजामा लगानी गरे । तर, त्यो विन्दु लामो समयसम्म टिक्न सकेन । अन्ततः नयाँ लगानीहरु ऋणको भारी बोक्न बाध्य भए । कतिपयले आत्महत्या समेत गरेको उदाहरण नेपाल तथा विदेशी मुलुकमा पनि पाइन्छ । 
यसरी, ऋण लिएर लगानी गर्ने लगानीकर्ताहरु बजार बढ्दा÷घट्दा समस्यामा पर्न सक्छन् । साथै, अहिले शेयर बजार बढ्नुलाई अस्वभाविक पनि ठानिएको  छ । तसर्थ, नयाँ लगानीकर्ताले बुलिश प्रवृतिको शेयर बजारमा एकदम चनाखो भएर लगानी गर्नुपर्ने देखिन्छ । नत्र, बियरिस ट्रेन्डमा शेयर बजार गयो भने उनीहरु फस्ने सम्भावना हुन्छ । साथै सम्बन्धीत निकायले पनि पनि जोखिम विश्लेषण गरेर लगानी गर्न सचेत गराउनुपर्ने देखिन्छ । तर, सम्बन्धीत निकाय भने बुलिश ट्रेन्डको बजारमा मौन भएर बसेको छ । 
 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८