पछिल्लो केहीदिन यता  भारतीय नायिका नेहा धुपिया आफ्नो एक ‘इट्स हर चोइस’ वाला कमेन्टका का कारण ट्रोलर्सको निशानमा परेकी छिन् । 

उनको त्यो कमेन्टको समर्थन गर्नका लागि उनका पति अंगद बेदीले आफ्नो पाँच प्रेमिको तस्बिर सेयर  गर्दै लेखेका छन् ,  ‘सुन् मेरो कुरा, यी हुन् मेरा पाँच प्रेमिका । जे गर्न सक्छौ गर ।’ र ह्याशट्यागसहित लेखेका छन् ‘इट्स माई चोइस’ । 

तर उनको त्यो पोष्टका कारण अंगद आफैं पनि ट्रोलको सिकार भएका छन् । 

वास्तवमा यी तस्बिरमा अंगद आफ्नी श्रीमतीसँग अलग अलग पोजमा देखिएका छन् ।

तर यस विषयमा अंगदले श्रीमतीलाई गरेको समर्थन मानिसहरुलाई मन परेन । कतिले उनलाई श्रीमतीको गल्तीमा साथ दिएका भन्दै ट्रोल गरेका छन् ।

एक दिन अघि मात्रै नेहा धुपियाले आफ्नो यो बयानबारे स्पष्टिकरण दिएकी छिन् ।

नेहाले आफ्नो बयानमा लेखिन्, ‘दुर्भाग्यवश, हिंसाविरुद्ध बोल्दा ममाथि जे भइरहेको छ, त्यो राम्रो होइन । एक व्यक्तिले प्रेमिकाले उनलाई धोका दिएकोमा उनलाई चड्कन हानेको मलाई बताए । मलाई उसको कुरा ठिक लागेन । त्यसकारण मैले उनलाई गाली गरेँ । मैले महिलाको सुरक्षाको दृष्टिकोणबाट  आवाज उठाएको थिएँ ।’ ‘हरेक व्यक्तिको आफ्नो छनोट हुन्छ । कसैले कसैलाई माया गर्ने नगर्ने त्यो उसको आफ्नो नीजि इच्छा हो । तर यस्तोमा कसैले पनि कसैमाथि सांघातिक आक्रमण गर्न सक्दैन । यो कुरा मलाई ठिक लागेन त्यसकारण आवाज उठाएँ । तर मेरो एउटा पोस्टमा ५५ हजार भन्दा बढी कमेन्ट आयो । यसमा धेरैजसो नकारात्मक थिए । तर म त्यतिबेला पनि चुप बसेँ । तर पछिल्ला केही दिनदेखि यो विषयसँग कुनै लेनदेन नभएका व्यक्तिलाई मानसिक रुपमा तनाव दिदैँ छ ।’