त्रिशुली गल्छीमा लगानी गरेका लगानीकर्ता डुबे, प्राधिकरणले गरिदियो गुरु न्यौपानेको सिद्धकाली पावरको पिपिए खारेज

चैत १०, २०७६ | आजको अर्थ
ajaako_artha

काठमाडौं । ऊर्जा उद्यमी गुरुप्रसाद न्यौपानेले महत्वाकाक्षी भनेको र धेरै व्यक्तिबाट लगानीका लागि भन्दै पैसा समेत उठाएको एक जलविद्युत् आयोजनाको विद्युत् खरीद सम्झौता खारेज भएको छ ।

नेपाल विद्युत् प्राधिकरणले त्रिशुली गल्छी जलविद्युत् आयोजनाको विद्युत् खरीद सम्झौता खारेज गरिदिएको हो । तोकिएको समयमा वित्तीय व्यवस्थापन गर्न नसकेको सो आयोजनालाई नियमानुसार नै सम्झौता खारेज भएको प्राधिकरणले जनाएको छ ।

धादिङ र नुवाकोटको सिमानामा रहेको गल्छस् बजार भन्दा केही किलोमिटर माथि मात्रै निर्माण गर्न लागिएको सो आयोजनाको क्षमता ७५ मेगावाट रहेको छ । आयोजनाको निर्माण सिद्धकाली पावर लिमिटेडले गर्न लागेको थियो ।

कम्पनीले त्रिशुली नदीमा नै विद्युत् गृह तथा अन्य संरचना समेत निर्माण गर्ने तयारी गरेको थियौ । न्यौपानले सो आयोजना निर्माणका लागि संस्थापक सेयर भन्दै झण्डै ५ सय बढी लगानीकर्तासँग पैसा समेत उठाएका थिए । प्राधिकरण र कम्पनीबीच २०७३ साल जेठ २० गते विद्युत् खरीद सम्झौता समेत भएको थियो । प्राधिकरणले तोकेको २ वर्षभित्र वित्तीय व्यवस्थापन नगरेको र वित्तीय व्यवस्थापन गरी निर्माणमा जान पटक पटक आग्रह गरेपनि सम्बन्धित कम्पनीले अटेर गरेको प्राधिकरणको भनाइ छ ।

नियमानुसार प्रक्रिया पूरा नगरेपछि प्राधिकरणले सम्झौता खारेज गरिदिएको हो । प्राधिकरणका अनुसार विद्युत् खरीद सम्झौताको दफा ३८.२ अनुसार प्रावधान पूरा नगरेपछि सम्झौता खारेज भएको हो । त्यसो त न्यौपानेले प्रधानमन्त्री केपी शर्मा ओलीको पहिलो चीन भ्रमणको समयमा एक चिनियाँ कम्पनीसँग लगानी सम्बन्धी सम्झौता समेत गरेका थिए । सम्झौतामा चिनियाँ कम्पनीले नैै लगानी भित्र्याएर इपिसिएफ ढाँचामा आयोजना निर्माण गर्ने भन्दै हल्ला समेत चलाएका थिए ।

यस्तै, २०७५ चैतमा सम्पन्न भएको लगानी सम्मेलनका क्रममा समेत एक बेलायती कम्पनीसँग लगानी सम्बन्धी सम्झौता भएको दावी गर्दै उनले ठूलै प्रचार गरेका थिए । तर, ती सबै हल्ला केवल हल्ला मात्रै रहेको प्राधिकरणको आजको कदमपछि थप पुष्टि भएको छ । सोही कम्पनीले आयोजना निर्माण गर्ने भए अब पुनः नियमानुसार प्रक्रिया पुर्याएर सम्झौता गर्नुपर्ने हुन्छ । 
 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११९.४८१२०.०८
European Euro१३१.५६१३२.२२
UK Pound Sterling१४६.०११४६.७४
Swiss Franc१२४.२३१२४.८५
Australian Dollar७२.५३७२.९०
Canadian Dollar८४.८६८५.२९
Singapore Dollar८३.३५८३.७७