कोरोना भाइरस विरुद्धको अभियानमा सघाउ पु¥याउनका लागि नवलपरासीको गैंडाकोट नगरपालिकाका मेयर छत्रराज पौडेलले आफूले प्रयोग गरेको गाडी प्रहरीलाई हस्तन्तरण गरेका छन् ।
संकटको बेला अनुगमन तथा नियमन कार्यमा सहयोग पु¥याउनका लागि बा. २ झ ३४०४ नम्बरको स्कारपियो स्थानीय प्रहरीलाई हस्तान्तरण गरेका हुन् ।
कोरोनाको संक्रमणबाट सुरक्षित हुन नेपाल लकडाउन भएको अवस्था सम्मका लागि सहयोग पुगोस भनेर अफूले प्रयोग गर्दै आएको सरकारी गाडी प्रहरीलाई प्रयोग गर्न दिएको मेयर पौडेलले बताए ।
गाडीबाट प्रहरीले कोरोना विरुद्धको सचेतना, संभावित जोखिममा उद्धार र तथा गस्तीमा प्रयोग गर्न सहज हुने अपेक्षा रहेको उनले बताए । आफू अत्यावस्यक काममा खट्नका लागि भने मोटरसाइकल चढ्ने उनको भनाई छ ।
यस्तो अवस्थामा प्रहरीहरुसँग पर्याप्त साधन छैन, त्यसैले यो राज्यकै सम्पत्ती हो र राज्यलाई आवश्यक परेको बेला सहयोग गर्नुपर्छ भनेर सहयोग गर्ने निर्णयमा पुगेको हुँ ’, उनले भने ।
प्रतिक्रिया