लकडाउनमा कसरी लिने बैंकिङ सेवा ? बैंकर्स संघले गर्यो यस्तो निर्णय

चैत १२, २०७६ | आजको अर्थ
ajaako_artha

काठमाडौं – कोरोना भाइरसको प्रकोपबाट बच्न लगाइएको लकडाउन अवधीमा बैकिङ सेवालाई सहज बनाउने बिषयमा नेपाल बैंकर्स संघको अनलाइन बैठक सम्पन्न भएको छ । बुधबार भएको उक्त बैठकले साताव्यापी ‘लकडाउन’लाई पूर्णरूपमा कार्यान्वयन गर्दै वाणिज्य बैंकले ग्राहकलाईस हजरुपमा बैंकिङ सुविधा दिने प्रतिबद्धता जनाएको छ । 
यस अवधीमा सर्वसाधारणको कमाइको पूर्ण सदुपयोग हुने गरी बैंकका आवश्यक शाखा खोलेर पूर्ण सेवा दिने  बैठकको निर्णय रहेको छ । ग्राहकलाई एटीएममा पर्याप्त रकम उपलब्ध गराउने, एटीएम नभएका शाखा सीमित समयका लागि खुला गर्ने निर्णय संघको रहेको छ ।
यस्तै संघले ग्राहकलाई डिजिटल बैंकिङमार्फत कारोबार गर्न आग्रह पनि गरेको छ । 
लकडाउनका बेलामा पनि वाणिज्य बैंकका शाखाले एलसी ट्रेजरीलगायत अत्यावश्यक सेवा दिइने संघको भनाइ छ । बैठकले अत्यावश्यक वस्तुको आयातमा बैंकले दिने सेवा सबै शाखाबाट उपलब्ध गराउने निर्णय गरेको छ । 
संघको निर्णयअनुसार बैंकका शाखाले एटीएममा पर्याप्त रकम राख्नेछन् भने ती शाखाबाट नगद कारोबार हुनेछैन, एटीएम नभएका शाखा भने सीमित समयका लागि खुला गरिनेछ । एटीएम नभएको ठाउँको शाखा दिउँसो १ बजेसम्मे खुल्ला हुनेछ ।       
 बैंकका शाखाले दुई आधिकारिक व्यक्तिको सम्पर्क नम्बर ग्राहकलाई उपलब्ध गराउने र ग्राहकले ती व्यक्तिलाई अत्यावश्यक परेको खण्डमा सेवा लिन सम्पर्क गर्न सक्ने संघले भनेको छ । 
यस्तै, स्थानीय तथा सरकारी निकायलाई बैंकका कर्मचारीलाई स्वास्थ्य तथा सुरक्षा उपकरण उपलब्ध गराइदिन समेत आग्रह गर्ने संघको भनाइ छ ।
 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११९.४८१२०.०८
European Euro१३१.५६१३२.२२
UK Pound Sterling१४६.०११४६.७४
Swiss Franc१२४.२३१२४.८५
Australian Dollar७२.५३७२.९०
Canadian Dollar८४.८६८५.२९
Singapore Dollar८३.३५८३.७७