बङ्गलादेशकी पूर्व प्रधानमन्त्री जिया सशर्त रिहा

चैत १३, २०७६ | आजको अर्थ
ajaako_artha

बङ्गलादेशकी पूर्व प्रधानमन्त्री तथा विपक्षी दलकी नेत्री खालिदा जियालाई बुधवार रिहा गरिएको छ । 

सरकारले उनलाई घरमै बस्ने र देशवाट बाहिरिन नपाउने शर्तमा छ महिनाका लागि जेलमुक्त गरेको बताएको छ । नेतृ जिया विगत दुई बर्षदेखि कारागारमा रहेका थिए । उनलाई बङ्गाबन्धु शेख मुजिब चिकित्सा विश्वविद्यालयको कैदी कक्षमा राखिएको थियो । उनका परिवार, शुभेच्छुक र पार्टीका वरिष्ठ नेतासहितका हजारौँले उहाँलाई जेलबाट रिहा हुँदै गर्दा स्वागत गरेका थिए ।

कोरोनाभाइरसका कारण धेरै मानिस जम्मा हुन सरकारले लगाएको निषेधका बावजुत पनि उनीहरू जियालाई स्वागत गर्न पुगेका थिए ।

ह्विलचियरमा थुनावाट बाहिर निस्कँदा नेतृ जियाले मुखमा मास्क लगाएका थिए । कानुनमन्त्री अनिशुल हकले मानवियताका कारण उहाँलाई जेलमुत्त गर्ने तयारी भएको मंगलवार बताएका थिए। नेतृ जियाले घरमै बसेर उपचार गर्ने विश्वास लिइएको पनि उनले बताए । 

लामो समयदेखि विभिन्न रोगवाट ग्रसित ७४ वर्षीय जियालाई जेलमुत्त गर्न सरकारमाथि दवाब पर्दै आएको थियो । पूर्व प्रधानमन्त्री जियालाई भष्ट्राचारको आरोपमा अदालतले १७ बर्ष जेल सजायको फैसला गरेको छ । उनि र उनका समर्थकहरूले राजनीतिक प्रतिशोधका आधारमा मुद्दा लगाइएको दाबी गर्दै आएका छन् । 

वर्तमान प्रधानमन्त्री शेख हसिना र जियाका बिचमा लामो समयदेखि राजनीतिक तथा व्यक्तिगत टकराव चल्दै आएको छ । जियाका समर्थकहरूले कारागारमा जियाका लागि सरकारले राम्रो व्यबस्था नगरेकाले उनको स्वास्थ्य अवस्था बिग्रिएको आरोप लगाएका छन् । बङ्गलादेशको एक उच्च अदालतले उपचारका लागि जेलमुत्त गर्न जियाले गरेको अपिललाई गत फेबुअरीमा अस्वीकृत गरेको थियो । 

सन् २०१८ को फेबुअरीमा राज्यशक्ति र स्रोतको दुरुपयोग गरेको ठहर गर्दै अदालतले उनलाई जेल सजायको फैसला गरेको थियो । 
 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११९.४८१२०.०८
European Euro१३१.५६१३२.२२
UK Pound Sterling१४६.०११४६.७४
Swiss Franc१२४.२३१२४.८५
Australian Dollar७२.५३७२.९०
Canadian Dollar८४.८६८५.२९
Singapore Dollar८३.३५८३.७७