अमेरिकी डलरको भाउ शुक्रबार ११७ पैसा घटेको छ । तीनदिनअघि अहिलेसम्मकै उच्च रुपमा बढेपनि त्यसपछि घट्न थालेको डलरको भाउ आज १ रुपैयाँ १७ पैसाले घटेको हो । बिहीबार पनि ११ पैसाले डलर घटेको थियो ।
बिहीबार एक सय २१ रुपैयाँ ७२ पैसा रहेको अमेरिकी डलर एकको बिक्रीदर शुक्रबार १२० रुपैयाँ ५५ पैसा रहेको नेपाल राष्ट्र बैंकले जनाएको छ ।
त्यस्तै शुक्रबार (चैत १४) जारी गरेको विनिमयदरका अनुसार अमेरिकी डलर एकको खरिददर ११९ रुपैयाँ ९५ पैसा रहेको छ । हिँजो डलरको खरिददर १ सय २१ रुपैयाँ १२ पैसा थियो ।
यस्तै, युरो एकको खरिददर १३१ रुपैयाँ ५३ पैसा र बिक्रीदर १३२ रुपैयाँ १९ पैसा रहेको नेपाल राष्ट्र बैंकले जनाएको छ । यसैगरी पाउण्ड एकको खरिददर १४३ रुपैयाँ ६२ पैसा र बिक्रीदर १४४ रुपैयाँ ३४ पैसा रहेको छ ।
यसैगरी, मलेसियन रिंगिट एकको खरिददर २७ रुपैयाँ ६७ पैसा र बिक्रीदर २७ रुपैयाँ ८१ पैसा रहेको छ।
यता, कतारी रियाल एकको खरिददर ३२ रुपैयाँ ९४ पैसा र बिक्रीदर ३३ रुपैयाँ ११ पैसा रहेको छ ।
र, युएई दिराम एकको खरिददर ३२ रुपैयाँ ६६ पैसा र बिक्रीदर ३२ रुपैयाँ ८२ पैसा रहेको छ ।
प्रतिक्रिया