अष्ट्रेलियाले पत्ता लगायाे कोरोना भाइरस ४८ घण्टाभित्र मार्ने औषधी, मानव परीक्षणका लागि कम्तिमा एक महिना लाग्ने

चैत २३, २०७६ | आजको अर्थ
ajaako_artha

अष्ट्रेलियाले ४८ घण्टाभित्र कोरोना भाइरसको सेललाई पूर्णरुपमा मार्न सक्ने औषधी पत्ता लगाएको दाबी गरेका छन् ।

मोनाश विश्वविद्यालयका वैज्ञानिकहरुले हालै गरेको अनुसन्धानको क्रममा कोरोना भाइरसको सेल मार्ने औषधी पत्ता लगाएको दावी गरेका हुन् । 

इभर्मेक्टिन एफडीए अनुमोदिन परजीवी विरुद्धको औषधीको एकपटक मात्रैको सेवनले बढीमा ४८ घण्टा र कम्तिमा २४ घण्टाभित्र भाइरल आरएनएलाई नष्ट  गर्ने वैज्ञानिकहरुको दावी रहेको डेली मेलले लेखेको छ । 

गएको डिसेम्बरमा कोरोनाभाइरस शुरु भएदेखि विश्वभरिका हजारौं अनुसन्धानकर्ता  एवम् वैज्ञानिकहरुले युद्धस्तरमा अनुसन्धान गरिरहेको बेला अष्ट्रेलियाले यो खुसी ल्याएको हो । 

अष्ट्रेलियाली वैज्ञानिकहरुले पत्ता लगाएको उक्त परजीवी औषधीले  औषधीको एक पटक सेवन गरे मात्रै कोषभित्र रमाउने सार्स–कोभ–२ भाइरसलाई मार्न सक्ने जनाएका छन् । 

‘मोनाश बायोमेडिसिन डिस्कोभरी इन्स्टिच्युटका डा। काइली वागस्टाफले एक खुराकले भाइरल आरएनलाई नष्ट गर्ने बताए’, डेली मेल लेख्छ, ‘‘उक्त औषधी जुम्रा र लुत्तो रोकथाममा प्रयोग हुन्छ, इभरमेक्टिन एचआइभी, डेंगी र इन्फ्लुएन्जा रोकथाममा समेत प्रभावकारी हुने बताइएको छ ।’

तर एन्टीभाइरस रिसर्च जर्नलमा प्रकाशित उक्त अनुसन्धानको परीक्षण मानवमा गर्न बाँकी रहेको छ । 

अब वैज्ञानिकहरुले उक्त औषधीको मानवलाई आवश्यक खुराक निर्धारण गर्ने र कति खुराक खुवाए मानव स्वास्थ्य सुरक्षित रहने निर्धारण भएपछि मानवमा परीक्षण गरिनेछ ।

“विश्व समुदाय महामारीको चपेटामा छन्, अहिलेसम्म अनुमति प्राप्त उपचार आएको छैन्, कुनै ‘कम्पाउन्ड’ विश्वमा पहिले उपलब्ध भएको भए मानवलाई छिट्टै सघाउ पुग्थ्यो”–डा. वाग्स्टाफले बताए । 

मानव परीक्षणका लागि कम्तिमा एक महिना लाग्ने भएोले विश्वब्यापी रुपमा उक्त खोप उपलब्ध हुन केही समय लाग्ने उनले बताए ।  इभरमेक्टिनलाई कोरोना विरुद्ध प्रयोग गर्नुअघि मानवमा प्रयोगशाला परीक्षण आवश्यक हुनेछ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८