शिक्षककाे मृत्युपछि ३० जनाकाे पीसीआर रिपोर्ट पर्खँदै गुल्मीजिल्लाबासी

जेठ ८, २०७७ | आजको अर्थ
ajaako_artha

बुटवलमा उपचार गराउ पुगेका गुल्मीका एक शिक्षककाे काेरोना भाइरस संक्रमण भएकाे रिपाेर्टसँगै मृत्यु भएपछि  गुल्मी जिल्लाबासीले कन्ट्र्याक ट्रेसिङकाे आधारमा स्वाव लिइएका ३० जनाको  पीसीआर रिपोर्ट पर्खेर बसेका छन् ।

गुल्मीका मदाने गाउँपालिकाका ६ का शिक्षककाे क्रिमसन अस्पतालमा मृत्यु भएपनि उनकाे निधनकाे कारणका विषयमा परिवार, आफन्त र स्वास्थ्यकर्मीले आशंका व्यक्त गरेपछि गुल्मेलीहरू ३० जनाकाे  पीसीआर रिपोर्ट पर्खेर बसेका हुन् । 

शिक्षकलाई काेराेना संक्रमण देखिएपछि परिवार, स्वास्थ्यकर्मी र सम्पर्कमा रहेका ३० जनाकाे स्वाव संकलन गरिएकाे थियाे ।  जसमध्ये उनकाे उपचार गर्ने अर्घाखाँचिकाे छायाँ मेडिकलका सञ्चालककाे रिपाेर्ट नेगेटिभ आईसकेको छ । 

अब मृतकको दोस्रो कोरोना रिपोर्ट र सम्पर्कमा आएका ३० जनाको पिसिआर रिपोर्टका आधारमा थप रणनीति तय गरिने मदाने गाउँपालिका र छिमेकी स्थानीय तहहरूले जनाएका छन् ।      

स्थानीय शिक्षक उनलाई कोरोना लागेको हो वा होइन भन्नेबारे गाउँमा अन्योल छ । मृतकको स्वाब संकलनमा अस्पतालले गम्भीर त्रुटि गरेको र दोस्रो पटक स्वाब लिइएको स्थानीयवासीको आरोप छ । 

गाउँमा शंकास्पद मुलकबाट २१ दिनयता कोही नआएको र आएका अन्य वडाका मानिस क्वारेन्टाइनमा बसेकाले कोरोना संक्रमणबारे अन्योल भएको स्थानीयवासी भरत चन्दले बताए ।

स्थानीयवासी प्रेम केसीका अनुसार गाउँलेहरु मृतकको दोस्रो पटकको स्वाब र उनीसँग प्रत्यक्ष सम्पर्कमा जोडिएका ३० जनाको स्वाब रिपोर्ट पर्खेर बसेका छन् । कोरोना संक्रमण पुष्टि हुँदाको दिन स्थानीयवासी धेरै त्रसित भए पनि अहिले त्रास हराउँदै गएको चन्दले बताए । 
    
परीक्षणको दायरा बढाइने     
स्वास्थ्य कार्यालयका अनुसार गाउँका ३० जनाको पिसिआर रिपोर्ट आज साँझसम्म आउँदैछ । स्वास्थ्य कार्यालय र सम्बन्धित व्यक्तिको मोबाइलमा समेत रिपोर्टको म्यासेज आउनेछ । उक्त रिपोर्टका आधारमा गाउँपालिकाले परीक्षणको दायरा बढाउने प्रमुख प्रशासकीय अधिृकत सुरेश भण्डारीले बताए ।

 “कहाँ र कोबाट कोरोना संक्रमण भयो भन्नेबारे नै अन्योलमा छौँ”, उनले भने, “स्थानीयको पनि रिपोर्ट पोजेटिभ आएमा परीक्षणको दायरा बढाउने तयारीमा छौँ ।”     
त्यसका लागि आवश्यक किटको व्यवस्था गर्ने आश्वासन प्रदेश र संघीय सरकारबाट आएकाले किटको अभाव नहुने उनले बताए । 

अहिले गाउँपालिकालाई पूर्ण रुपमा बन्द गरिएको छ । मानिसलाई घरबाहिर निस्कन तथा हिँडडुल गर्नलाई आजदेखि पूर्णरुपमा प्रतिबन्ध लगाइएको उनले जानकारी दिए ।    
 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८