कोरोना भाइरस (कोभिड १९) बाट विश्वभर मृत्यु हुने संख्या ३ लाख ७१ हजार नाघ्ेको छ ।
हालसम्म कोरोनाका कारण विश्वभर ३ लाख ७१ हजार ६ को मृत्यु भएको छ भने, संक्रमितको संख्या ६१ लाख ६० हजार २९५ पुगेको विश्व स्वास्थ्य संगठन (डब्लुएचओ) जानकारी दिएको छ ।
नेपाली समयानुसार आइतबार बिहान प्राप्त समाचारअनुसार कोरोना भाइरसको कारण बिरामी भएका २७ लाख ३८ हजार २८४ जना निको भएका छन् । विश्वभरीमा ३० लाख ५१ हजारभन्दा बढी हाल कोरोना भाइरस सक्रमित उपचाररत रहेका छन् ।
हालसम्म कोरोना भाइरस संक्रमित ५३ हजार ५१३ जनाको अवस्था गम्भीर रहेको जनाइएको छ ।
कोरोना भाइरस संक्रमणको कारण अमेरिकालाई अत्यन्त प्रभावित पारेको संयुक्त राज्य अमेरिकामा मात्र १८ लाख १६ हजार ८२० जनामा कोरोना भाइरस संक्रमण रहेको छ । यस प्रकोपको कारण अमेरिकामा १ लाख ५ हजार ५५७ व्यक्तिको मृत्यु भएको छ ।
यस्तै ब्राजिलमा हालसम्म करिब ५ लाख कोरोना संक्रमित रहेका छन् । ब्राजिमा मृत्यु हुनेको संख्या २८ हजार ८४९ रहेको छ ।
त्यस्तै स्पेनमा २७ हजार १२५ , बेलायतमा ३८ हजार ३७६ , इटलीमा ३३ हजार ३४० जनाको मृत्यु भएको छ ।
हालसम्म नेपालमा १४ सयभन्दा बढी संक्रमित रहेका छन् ।
प्रतिक्रिया