कर्णालीमा २ सय ७८ पुगे कोरोना संक्रमित, आज थपिए १६ जना संक्रमित

जेठ २१, २०७७ | आजको अर्थ
ajaako_artha

सुर्खेत । कर्णाली प्रदेशमा कोरोना भाइरस संक्रमितको संख्या दुई सय ७८ पुगेको छ । बुधबार  थप १६ जनामा पुष्टि भएको समाजिक विकास मन्त्रालय कर्णाली प्रदेशले जनाएको छ ।  

मंगलबार प्रदेश अस्पताल सुर्खेत, कर्णाली स्वास्थ्य विज्ञान प्रतिष्ठा जुम्ला र पशुपंक्षि रोग अन्वेषण प्रयोगशाला सुर्खेतमा पीसीआर परीक्षण गर्दा दैलेख, सल्यान र कालिकोटका १६  जनामा कोरोना संक्रमण पुष्टि भएको सामाजिक विकास मन्त्रालय कर्णाली प्रदेशको स्वास्थ्य महाशाखा प्रमुख डा. लक्ष्मीनारायण तिवारीले जानकारी दिए । 

आज संक्रमण पुष्टि हुनेहरूमा सल्यानको कुमाख गाउँपालिकाका २ जना पुरूष, दैलेखको नौमुले गाउँपालिकाका १ जना पुरूष र नारायण नगरपालिकाका ५ जना पुरूष रहेका छन् । त्यस्तै दैलेखको दुल्लु नगरपालिकाका १ जना पुरूष, कालिकोटको महाबै गाउँपालिकाका २ जना पुरूष र १ बालक, तिलागुफा नगरपालिकाका १ जना पुरूष, पलाता गाउँपालिकाका १ पुरूष रहेका छन् । कालिकोटकै शुभकाफिका गाउँपालिकाका १ पुरूष र सान्नित्रिवेणी गाउँपालिकाका १ जना महिलामा आज संक्रमण देखिएको हो ।

अहिलेसम्म कर्णालीका ६ जिल्लामा संक्रमित भेटिएको प्रदेशको सामाजिक विकास मन्त्रालयले जनाएको छ । कर्णालीका सुर्खेत, दैलेख, सल्यान, कालिकोट, जुम्ला र मुगु जिल्लामा कोरोना संक्रमण पुगेको हो । मंगलबारसम्म कर्णालीमा २ सय ६२ जना संक्रमित फेला परेका थिए ।

भने कोरोना संक्रमणबाट कर्णालीमा १ जनाको मृत्यु भइसकेको छ । दैलेखको दुल्लु नगरपालिकाका ३५ वर्षीय युवाको कोरोना संक्रमणबाट मृत्यु भइसकेको छ ।
 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८