काठमाडौं, कारोबारको चौथो दिन (बुधबार) सेयर बजार सामान्य देखिएको छ । 

आज नेप्से सूचक झिनो अंकले वृद्धि भएको हो । हुँदा ५ अर्ब रुपैयाँभन्दा बढीको सेयर कारोबार भएको छ । बुधबार पनि बजार बन्द हुने बेलामा हरियै भएको छ भने खरिदबिक्री रकम औसतमा रहेको छ । उत्पादनमूलक, फाइनान्स तथा हाइड्रोपावर समूहहरुमा अलि बढी चमक देखिएको छ । 

 सेन्सेटिभ इन्डेक्स ०.१४ अंक बढेर ४७८.३८ विन्दुमा पुगृको छ । बुधवार रू. ५ अर्ब ३२ करोड ६० लाख ५२ हजार बराबरको १ करोड ४८ लाख ५४ हजार ४२२ कित्ता शेयर कारोबार भएको छ ।

यो कारोबार २१५ ओटा कम्पनीको ६२ हजार ९७२ पटक शेयर किनेबेच भएको छ । यसदिन नेप्सेमा सबैभन्दा बढी नेपाल पुनर्बीमा कम्पनीको शेयर कारोबार भएको छ । कम्पनीको रू. ३५ करोड १६ लाख २५ हजार बराबरको शेयर कारोबार भएको हो ।

सर्वाधिक रकमको कारोबार भएको उक्त कम्पनीको शेयरमूल्य भने प्रतिकित्ता रू. १८ ले घटेर अन्तिम मूल्य रू. १ हजार ५५० कायम भएको छ ।