विश्वका सबैभन्दा धनी व्यक्ति तथा एमेजनका संस्थापक जेफ बेजोसले एमेजनको १.७ अर्ब डलर बराबरको शेयर बिक्री गरेका छन् । बेजोसले यस महिना बिक्री गरेको कुल शेयरको मूल्य ६.७ अर्ब डलर पुगेको छ ।

गत वर्ष बेजोसले कम्पनीमा १० अर्ब डलर मूल्यको शेयर बिक्री गरेका थिए र उनको कम्पनीमा हाल पनि करिब १० प्रतिशत हिस्सेदारी रहेको छ । ब्लूमबर्ग बिलेनियर इन्डेक्सका अनुसार हालको समयमा बेजोसले १८८ अर्ब डलरको सम्पत्तिका मालिक हुन् र उनी विश्वकै सबैभन्दा धनी व्यक्ति हुन् ।

रिपोर्टका अनुसार बेजोसले एमेजनको शेयरको बिक्रीबाट प्राप्त धनको प्रयोग आफ्नो रकेट कम्पनी ब्लू ओरिजिनको फंडिंगमा गरेका छन् । यसबाहेक उनले १० अर्ब डलर बेजोस अर्थ फण्डमा दिने घोषणा पनि गरेका छन् । यस फण्ड जलवायु परिवर्तनको समस्यासँग लड्नकालागि प्रयोग गरिन्छ ।