काठमाडौं - विश्वमा पछिल्लो २४ घण्टामा कोरोनाबाट थप ९ हजार आठ सय ९९ जनाको मृत्यु भएको छ । यो सँगै विश्वमा कोरोना संक्रमणका कारण हालसम्म मृत्यु हुनेको संख्या ४२ लाख २ हजार ६५४ जनाको मृत्यु भएको छ । 

वल्डोमिटर्सका अनुसार कोरोनाबाट मृत्यु हुनेको सबैभन्दा ठूलो संख्या अमेरिकामा ६ लाख २८ हजार ९२ जना छ । दोस्रो ठूलो संख्या ब्राजिलमा ५ लाख ५३ हजार २७२ र तेस्रो संख्या भारतमा ४ लाख २२ हजार ६९५ छ । मेक्सिकोमा हालसम्म कोरोनाका कारण २ लाख ३९ हजार ७९ जनाको मृत्यु भइसकेको छ ।

साथै विश्वमा पछिल्लो २४ घण्टामा ६ लाख ४३ हजार ४५३ नयाँ कोरोना संक्रमित थपिएका छन् । योसँगै विश्वमा संक्रमितको कुल संख्या १९ करोड ६६ लाख २७ हजार ७०७ पुगेको छ । 

वल्डोमिटर्सका अनुसार बितेको २४ घण्टामा सबैभन्दा बढी संक्रमित अमेरिकामा ७८ हजार ३७० जना थपिएका छन् । यस्तै ब्राजिलमा ४८ हजार ४४३, इन्डोनेसियामा ४७ हजार ७९१ र भारतमा ४३ हजार २११ जना नयाँ संक्रमित थपिएका छन् ।