काठमाडौं - अमेरिकामा कोरोना संक्रमण पुनः बढेको छ । वल्डोमिटर्सका अनुसार पछिल्लो २४ घण्टामा अमेरिकामा थप ८४ हजार १८६ जनामा कोरोना संक्रमण पुष्टि भएकोछ । 

अमेरिकामा हिजो यो संख्या ७७ हजार ८२५ रहेको थियो । मंगलबार अमेरिकामा ५२ हजार ५० जना कोरोना भाइरसका नयाँ संक्रमित थपिएका थिए । अमेरिकाले कोरोना नियन्त्रणमा आएको जनाउँदै खोप लगाएकाले मास्क समेत लगाउन नपर्ने नियम बनाएपछि संक्रमण पुनः बढ्न थालेको हो ।

अमेरिकामा अहिले सम्म कोरोना संक्रमितको कुल संख्या ३ करोड ५४ लाख ८७ हजार ४९० पुगेको छ । अहिले सम्म त्यहाँ कोरोनाबाट ६ लाख २८ हजार ९८ पुगेको छ ।