कुमारी बैंकका सीईओ भण्डारीको तलब २ करोड ३८ लाख बढि

२ बर्ष अगाडि

काठमाडौं - कुमारी बैंकका प्रमुख कार्यकारी अधिकृत (सीइओ) सुरेन्द्र भण्डारीले गत आर्थिक वर्ष २०७७/७८ मा बैंकबाट पारिश्रमिक, भत्ता तथा सुविधा बापत २ करोड ३८ लाख ३१ हजार ५५ रुपैयाँ बुझेका छन् ।

आर्थिक वर्ष २०७७/०७८ को वार्षिक प्रतिवेदनमा उल्लेख भए अनुसार कुमारी बैंकका सीइओ भण्डारीले बैंकबाट तलब वापत १ करोड २० लाख ३७ हजार ४२३ रुपैयाँ, भत्ता वापत ४७ लाख ७० हजार ३२५ रुपैयाँ, दशैं भत्ता १४ लाख ६६ हजार ९६ रुपैयाँ र बिदा (वार्षिक र सञ्चित) बापत १० लाख ३ हजार ११९ रुपैयाँ र अन्य शीर्षकमा ४२ लाख ६९ हजार ५ रुपैयाँ बुझेको प्रतिवेदनमा उल्लेख छ ।

यस अवधिमा बैंकका अन्य व्यवस्थापकहरुले १० करोड ४४ लाख ८६ हजार ८४९ रुपैयाँ बराबरको पारिश्रमिक, भत्ता तथा सुविधा लिएका छन् । जसमा तलब वापत २ करोड १९ लाख ८० हजार २६८ रुपैयाँ, भत्ता वापत ४९ लाख ८२ हजार ३९६ रुपैयाँ, दशैं भत्ता सञ्चयकोष वापत २१ लाख ९८ हजार २७ रुपैयाँ, गाडी मर्मत वापत १९ लाख ९४ हजार ४४३ रुपैयाँ, औषधोपचार वापत ५ लाख दशैं भत्ता २२ लाख १६ हजार ९ रुपैयाँ र बिदा (वार्षिक र सञ्चित) बापत २० लाख ५१ हजार ९९३ रुपैयाँ र अन्य शीर्षकमा १ करोड ७ लाख १६ हजार ४८८ रुपैयाँ खर्च भएको छ ।

बैंकका सीइओ भण्डारीले असार ३१ देखी लागू हुनेगरी राजीनामा दिइसकेका छन् । भण्डारीको राजीनामापछि अनुजमणि तिमिल्सिनालाई कायम मुकायम प्रमुख कार्यकारी अधिकृतको जिम्मेवारी दिएको छ ।

२ बर्ष अगाडि

प्रतिक्रिया