काठमाडौं– चालु आर्थिक वर्षको दोस्रो त्रैमासमा नेपाल राष्ट्रिय बाणिज्य बैंकले २ अर्ब ४० करोड ९९ लाख ६२ हजार रुपैयाँ खुद नाफा गरेको छ ।
यो नाफा गत बर्षको यसै अवधिको तुलनामा ३४.९४ प्रतिशतले बढी हो । गत वर्षको यसै अवधिमा बैंकले १ अर्ब ७८ करोड ५९ लाख १३ हजार रुपैयाँ खुद नाफा गरेको थियो ।
बैंकले झण्डै पाँच अर्ब रुपैयाँ खुद ब्याज आम्दानी गरेको छ । दोस्रो त्रैमासमा बैंकले ४ अर्ब ९५ करोड ३६ लाख ९२ हजार रुपैयाँ ब्याज आम्दानी गरेको छ । यो गत वर्षको यसै अबधिको तुलनामा २३.४९ प्रतिशतले बृद्धि हो । गत बर्ष बैंकले ब्याज आम्दानीबाट ४ अर्ब १ करोड १३ लाख ५ हजार रुपैयाँ आर्जन गरेको थियो ।
बैंकको सञ्चालन मुनाफा पनि बढेर ३ अर्ब ४३ करोड ७५ लाख ४८ हजार रुपैयाँ पुगेको छ । दोस्रो त्रैमाससम्म बैंकले १८ खर्ब १५ अर्ब ९६ करोड निक्षेप संकलन गरेको छ भने १३ खर्ब ४८ अर्ब रुपैयाँ कर्जा लगानी गरेको छ । बैंकको चुक्तापुँजी ९ अर्ब ४७ लाख रुपैयाँ रहेको छ ।
बैंकको बेस रेट घटेर ५.६० प्रतिशतमा झरेको छ । यसअघि बेस रेट ६.३३ प्रतिशत थियो । बेस रेट घट्नु भनेको बैंकले प्रवाह गर्ने ऋणको ब्याजदर झनै सस्तो भएको छ । अहिले सबैभन्दा कम बेसरेट भएको बैंक नै राष्ट्रिय बाणिज्य बैंक भएको छ ।
प्रतिक्रिया