काठमाडौँ – नेत्र बिक्रम चन्द (विप्लव) नेतृत्वको नेपाल कम्युनिष्ट पार्टीमाथि सरकारले प्रतिवन्ध लगाएलगत्तै नेकपा अध्यक्ष पुष्पकमल दाहाल प्रचण्ड निवासमा गोप्य बैठक बसेको छ ।
बैठकमा नेकपा अध्यक्ष दाहाल, बरिष्ठ नेता माधब नेपाल, झलनाथ खनाल, वामदेव गौतम र नारायणकाजी श्रेष्ठ सहभागी थिए । बिहान आठ बजे बसेको बैठक एक घण्टा चलेको नेकपाका एक नेताले बताए ।
विप्लव नेतृत्वको पार्टीमाथि प्रतिवन्ध लगाएपछि अव कस्तो रणनीति अपनाउने भन्ने बिषयमा नेताहरुवीच छलफल भएको ति नेताले बताए । उनका अनुसार बिप्लवका तर्फबाट हुनसक्ने सम्भावित हिंसात्मक राजनीतिका बिषयमा नेताहरुवीच छलफल भएको छ ।
मन्त्रीपरिषद बैठकले प्रतिवन्ध लगाएलगत्तै पार्टी सचिवालय सदस्यसमेत रहेका गृहमन्त्री राम बहादुर थापा भने अष्ट्रिया प्रस्थान गरिसकेका छन् ।
मंगलवार बसेको मन्त्रीपरिषद बैठकले विप्लवमाथि प्रतिवन्ध लगाएको थियो ।
प्रतिक्रिया