काठमाडौं - टाइम फर्मास्युटिकल्स लिमिटेडले आईपीओ जारी गर्ने भएको छ । कम्पनीले आईपीओ जारी गर्ने प्रस्ताव सहित वैशाख ११ गते गैडाकोटस्थित कम्पनीको उद्योग परिसरमा विशेष साधारण सभा बोलाएको हो । 

सभाले बुक बिल्डिङ्ग विधिबाट साधारण शेयर निष्कासन र कम्पनीको प्रबन्ध पत्र तथा नियमावलीमा संशोधन गर्न सञ्चालक समितिलाई अख्तियारी दिने प्रस्ताव पारित गर्नेछ।

त्यस्तै जारी पुँजीलाई ४२ करोड ९१ लाखबाट ४६ करोड बनाउने, जारी पुँजीमध्ये ७९.३४७८ प्रतिशत संस्थापक समूह ‘क’ लाई र २०.६५२१ प्रतिशत सर्वसाधारण सेयरधनी ‘ख’ लाई वितरण गर्ने प्रस्ताव पारित गर्नेछ।

साथै, १ महिला सहित ५ जना संस्थापक, १ सर्वसाधारण र १ स्वतन्त्र गरी ७ जनाको सञ्चालक समिति बनाउने लगायतका प्रस्ताव पनि सभाका लागि तय गरिएका छन्।