काठमाडौं- अमेरिकी राष्ट्रपति डोनाल्ड ट्रम्पले विभिन्न देशबाट आयात हुने वस्तुमा भन्सार शुल्कमा नयाँ दर घोषणा गरेका छन्। ह्वाइट हाउसले ‘डिस्काउन्टेड रेसिप्रोकल ट्यारिफ’ लगाएका करिब १०० देशको सूची सार्वजनिक गरेको हो । 

सूचीअनुसार चीनमा ३४ प्रतिशत, भारतमा २६ प्रतिशत, पाकिस्तानमा २९ प्रतिशत, बंगलादेशमा ३७ प्रतिशत, म्यानमार र श्रीलंकामा ४४ प्रतिशत कर लगाइएको छ । साथै ईयूमा २० प्रतिशत कर लगाइएको छ ।

ट्रम्पले केही देशहरूलाई ५० प्रतिशतसम्म भन्सार शुल्क घोषणा गरेका छन्। लिसोथो र सेन्ट पियरी एन्ड मिकेलन दुई देशलाई उनले ५० प्रतिशत भन्सार शुल्क निर्धारण गरेका हुन्। आठवटा देशहरूलाई भने ४० प्रतिशतभन्दा बढी भन्सार शुल्क निर्धारण गरेका छन्।

अमेरिकाले क्यानडा र मेक्सिकोबाट आयात हुने वस्तुमा मार्च ४ देखि २५ प्रतिशत भन्सार लगाएको छ भने क्यानडाबाट आयात हुने ऊर्जामा १० प्रतिशत भन्सार लगाउने भएको छ । साथै बेलायती वस्तुमाथि १० प्रतिशत आय कर लाग्ने र युरोपेली सङ्घलाई २० प्रतिशतका दरले भन्सार शुल्क लाग्ने भएको छ ।

नेपाललाई भने १० प्रतिशत आधारभूत शुल्क लगाइएको छ ।  नेपालबाट अमेरिकामा निर्यात हुने मुख्य सामानहरू जस्तै हस्तकला, गलैंचा र तयारी पोशाकमा १० प्रतिशत नै शुल्क लाग्नेछ। अब अमेरिकी बजारमा यी सामानको मूल्य बढ्न सक्ने आंकलन गरिएको छ ।

नयाँ कर दर अप्रिल ९ देखि लागू हुनेछन्। -एजेन्सी