काठमाडौं - नेपाल स्टक एक्स्चेन्ज (नेप्से) मा आज नेपाल माइक्रो रिइन्स्योरेन्स लिमिटेडको सूचीकृत भएको छ ।

कम्पनीले सर्वसाधारणको लागि वितरण गरेको (सामूहिक लगानी कोष र वैदेशिक रोजगारीमा रहेका नेपाली, र कर्मचारी समेत) लाई २२ लाख ५० हजार कित्ता, संस्थापकहरूले लगानी गरेको ५२ लाख ५० हजार कित्ता गरेर कुल ७५ लाख कित्ता साधारण सेयर सूचीकृत गराएको हो ।

कम्पनीको पहिलो कारोबारका लागि १०० रुपैयाँ ८० पैसादेखि अधिकतम ३०२ रुपैयाँ ४० पैसासम्म ओपनिङ रेञ्ज निर्धारण गरिएको छ । कम्पनीको स्टक सिम्बोल ‘एनएमआइसी’ रहेको छ ।

अब उक्त सूचीकृत सेयर आगामी आइतबार स्पेशल प्रि ओपन सेसनपछि हुनेछ ।