काठमाडौं - भुक्तानी नेटवर्क कम्पनी फोनपेले मार्च ३०, २०२५ मा ऐतिहासिक उपलब्धि हासिल गरेको जनाएको छ। 

कम्पनीका अनुसार, यस दिन कुल कारोबार रकम २.६२ अर्ब रुपैयाँ पुगेको थियो, जुन फोनपेका लागि एक नयाँ रेकर्ड हो। यसमा भारतीय पर्यटकहरूको पनि उल्लेखनीय योगदान रहेको फोनपेले जनाएको छ।

नेपाल-भारत क्रसबोर्डर यूपीआई भुक्तानी प्रणाली प्रयोग गरी भारतीय पर्यटकहरूले ३ हजार ३०० भन्दा बढी कारोबार गरेका थिए। जसको कुल कारोबार रकम ७.६ मिलियन ९७६ लाख० पुगेको थियो।

यस प्रविधि एकीकरणले नेपाल भ्रमण गर्ने पर्यटकहरूका लागि भुक्तानी प्रक्रिया सरल बनाउनुका साथै देशभर डिजिटल कारोबारको स्वीकृति बढाउने दिशामा महत्वपूर्ण भूमिका खेलेको कम्पनीले जनाएको छ।