काठमाडौं- सिद्धार्थ प्रिमियर इन्स्योरेन्स लिमिटेडले सर्लाहीको बरहथवा नगरपालिकामा बीमा प्रवर्द्धनात्मक कार्यक्रम सम्पन्न गरेको छ । होटल पाराडाइज पार्टी प्यालेसमा गरिएको कार्यक्रममा निर्जीवन बीमासँग सम्वन्धित विभिन्न बीमालेखका बारेमा जानकारी प्रदान गरिएको थियो ।

उद्योग वाणिज्य संघ बरहथवाका महासचिव अमरनाथ साहको अध्यक्षतामा सम्पन्न कार्यक्रममा इन्स्योरेन्सका मधेश प्रदेश उप प्रमुख श्याम कुमार सिंहले निर्जीवन बीमाका विभिन्न सेवाहरु र दावी भुक्तानीे प्रकृयाको बारेमा प्रस्तूतिकरण गरेका थिए ।

उद्योगी, व्यापारी, कृषक, बैंक तथा वित्तिय संस्थाका कर्मचारीहरु गरि करिव नब्बे जनाको उपस्थिति रहेको उक्त कार्यक्रममा बरहथवा नपा पशु सेवा शाखाका प्रमुख रामेश्वर राय विशिष्ट अतिथिका रुपमा रहि पशु बीमाको लाभ लिन अनुरोध गर्दै दावी भुक्तानी प्रक्रियाको लागि सेवा केन्द्रले यथोचित सहयोग गर्ने बताए । 
सिद्धार्थ प्रिमियर इन्स्योरेन्स "नन लाइफ इन्स्योरेन्स अफ द इयर–२०२५” बाट सम्मानित कम्पनी हो ।